Бозии аввалини мунтахаби миллии футболи Тоҷикистон дар Ҷоми Осиё-2023 дар Давҳа бо Чин мусовӣ - 0:0 анҷом ёфт.
Тавре ки Федеатсияи футоли Тоҷикистон хабар медиҳад, вохӯрӣ дар варзишгоҳи Абдулло бин Халифа баргузор шуд.
Гуфта мешавад, дар қисмати зиёди бозӣ бо Чин футболбозони тоҷик бартариятро дар даст дошта, ба самти дарвозаи ҳариф 20 зарба заданд.
Лекин аз ҳар ду ҷониб зарбаҳо ба ҳадаф нарасида, бозӣ ҳамин тавр мусовӣ - 0:0 анҷом пазируфт.
Сармураббии мунтахаби Тоҷикистон Петр Сегрт натиҷаҳои вохӯриро бо тими Чин чунин шарҳ дод:
Дар вохӯрии дигари гурӯҳи “А” мизбони Ҷоми Осиё-2023 - мунтахаби Қатар дастаи Лубнонро бо ҳисоби калони 3:0 шикаст дод.
Дирӯз мунтахаби Тоҷикистон дар Давҳа тамрин гузаронид.
Дар вохӯрии дуюми худ дар гурӯҳ мунтахаби Тоҷикистон рӯзи 17 январ бо тими Қатар бозӣ мекунад. Ин бозӣ дар варзишгоҳи “Ал-Байт” дар Давҳа доир мегардад. Бозӣ соати 17:30 дақиқа ба вақти маҳаллӣ (соти 19:30 дақиқа ба вақти Душанбе) оғоз мешавад.
Бозиҳои дигаре, ки то имрӯз дар Ҷоми Осиё-2023 баргузор шуданд, бо натиҷаҳои зерин анҷом ёфтанд:
Гурӯҳи “В”: Австралия – Ҳиндустон - 2:0, Ӯзбекистон - Сурия - 0:0; Гурӯҳи “С”: АМА - Гонконг - 3:1, Эрон - Фаластин - 4:1; Гурӯҳи “D”: Ҷопон - Ветнам - 4:2.
Руcский