Президенти Ӯзбекистон Ислом Каримов дар синни 79-солагӣ дар шаҳри Тошканд аз олам даргузашт. Дар ин бора хабаргузории «Фергана» иттилоъ медиҳад. Бино ба иттилои хабаргузорӣ, Ислом Каримов тақрибан соатҳои 15-16-и вақти маҳаллӣ дар дармонгоҳи Тошканд аз олам даргузаштааст, ки дар он ӯро баъди ба сактаи майнаи сар (инсулт) гирифтор шуданаш бистарӣ карда буданд.
Дар ҳамин ҳол, саҳеҳан гуфта мешавад, ки дар ин хусус аз ҳукуматдорони Ӯзбекистон маълумоти расмӣ пахш нашудааст. Маълумоти мазкур алҳол тасдиқношуда боқӣ мемонад.
Ёдрас мекунем, ки нимаи дуюми рӯзи 28 август ҳукумати Ӯзбекистон дар бораи ба бемористон бистарӣ шудани президенти ин кишвар Ислом Каримов барои муолиҷа хабарӣ расмӣ пахш намуд.
Аллакай субҳи рӯзи душанбе, 29 август яке аз духтарони Ислом Каримов Лола Каримова дар инстаграми худ тасдиқ намуд, ки президенти Ӯзбекистон дарвоқеъ ҳам пас аз хунравӣ ба майнаи сар дар шуъбаи эҳёгарии бемористон бистарӣ буда, вазъи солимиаш устувор арзёбӣ мешавад. Лола Каримова дархост намуд, ки нисбати ҳуқуқи оилаи президент ба ҳаёти шахсӣ эҳтиром гузошта шавад.
Қобили зикр аст, ки санаи 1 сентябр дар Ӯзбекистон 25-умин солгарди Рӯзи истиқлолият ҷашн гирифта мешавад. Маъмулан ҷашнҳои асосии кишвари ҳамсоя бо ҳузури сарвари давлати Ӯзбекистон доир мегардиданд. Ба эҳтимоли зиёд ин дафъа дар чорабиниҳои ҷашни 25-солагии Истиқлолияти Ӯзбекистон Ислом Каримов ҳузур нахоҳад дошт.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста