Яке аз муҳоҷирони дар сарҳади Қазоқистону Ӯзбекистон аз дирӯз дармонда ба хабарнигори “Азия-Плюс” шоми 16-уми март гуфт, ки марзбонони Ӯзбекистон ба онҳо иҷоза доданд, тавассути қаламрави ин кишвар то сарҳади Тоҷикистон раҳсипор шаванд.
“Наздики бегоҳ бароямон иҷозаи гузаштанро доданд. Ҳоло мошинҳо бо навбат аз сарҳад мегузаранд. Аллакай нисфашон равон шуданд. Умед дорем, ба ҳама иҷозат мешавад ва мо роҳамонро ба сӯйи Ватан давом медиҳем”, - гуфт ин муҳоҷири тоҷик.
Ин маълумотро ба “Азия-Плюс” модари як донишҷӯдухтари тоҷик, ки дар он минтақаи марзӣ буд, тасдиқ кард. Ин модар мегӯяд: “Як соат пеш духтарам бо 2 донишҷӯйи ҳамроҳаш хабар доданд, ки ба гузаштани онҳо иҷозат шудааст”.
Вай афзуд: “Онҳо аз Бишкек савори автобус то сарҳади Қазоқистону Ӯзбекистон омадаанд. Автобус онҳоро дар он ҷо партофта, рафтааст. Акнун онҳо маҷбуранд, ки бо таксиҳои ӯзбекистонӣ то сарҳади Тоҷикистон ва аз он ҷо ба хона биёянд”.
Муроҷиати вазорати корҳои хориҷии Тоҷикистон ба шаҳрвандон
Вазорати корҳои хориҷии ҶТ имрӯз дар робита ба ҷорӣ шудани маҳдудияти вуруд ба Қазоқистон ва Ӯзбекистон як муроҷиат ба шаҳрвандони Тоҷикистон нашр кардааст:
Аз 16 марти соли 2020 бинобар эълон гардидани вазъияти фавқулода дар Қазоқистон ва ҷорӣ шудани чораҳои маҳдудкунанда дар Ӯзбекистон бар асари ҳамагирии коронавируси нав (COVID-19), маҳдудияти ворид шудан ба хоки он ду кишвар ҷорӣ гардид.
Дар робита ба ин, Вазорати корҳои хориҷии Тоҷикистон тавсия медиҳад, ки шаҳрвандони кишвар аз сафар ба Қазоқистон ва Ӯзбекистон, аз ҷумла, сафарҳои транзитӣ дар ҳоли ҳозир худдорӣ намоянд.
Хотиррасон мекунем, шаҳрвандони Тоҷикистон, ки дар Қазоқистон ва Ӯзбекистон қарор доранд, дар ҳолати зарурат метавонанд ба намояндагиҳои дипломатӣ ва консулии мо муроҷиат кунанд:
Сафорати Тоҷикистон дар Қазоқистон
Суроға: ш. Нур-Султон, мкр-н Чубари, кӯчаи Карасакал Еримбет, 15.
Тел: +7 7172 241315, +7 7172 240929
E-mail: [email protected]
Консулгарии генералии Тоҷикистон дар Алмаато
Суроға: ш. Алмато, к. Санаторная, 16.
Тел: 8107 (3272) 69 70 59, +77 77 588 3115
E-mail: [email protected]
Сафорати Тоҷикистон дар Ӯзбекистон
Cуроға: 700090, ш.Тошканд, к. А. Қаҳҳор, 61.
Тел: 810 (998712) 54 99 66, 810 (998712) 54 84 13
E-mail: [email protected]
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста