Президенти Қирғизистон Сооронбой Жээнбеков гуфтааст, "ҳар вақте кишвараш ба масири қонунӣ баргардад" омода аст, аз мақоми худ истеъфо диҳад.
Бино ба иттилои Бахши хабарии Осиёи Марказӣ, матни паёми Жээнбеков ба қирғизистониҳо шаби 8 ба 9 октябр дар сомонаи расмии ӯ нашр шуд.
"Вазъи сиёсии кишвар ба нуқтаи буҳронӣ расид. "Барои эътидоли вазъи ба вуҷуд омада гомҳои зеринро бояд бардошт. Бекор кардани натиҷаҳои интихоботи порлумонӣ. Ҳоло бояд интихоботи нави порлумонӣ эълом шавад. Қарор дар ин бораро бояд Комиссияи марказии интихоботӣ қабул кунад. Ин чораҳо ташаннуҷи кунунии сиёсиро коҳиш медиҳанд", - изҳор доштааст Жээнбеков.
Ӯ ҳамчунин илова кардааст, "сарвазир ва аъзои ҳукумате, ки то буҳрон фаъолият мекарданд, ба истеъфо фиристода шаванд, то барои таъйини мансабдорони нав асоси қонунӣ фароҳам гардад".
Ба гуфтаи Жээнбеков, мақомоти ҳифзи ҳуқуқи Қирғизистон бояд амнияти вакилони порлумони ин кишварро таъмин созанд, то онҳо тавонанд вазифаҳои худро иҷро кунанд.
"Барои ман ягон мансаб болотар аз якпорчагии давлат, иттиҳоди мардум ва оромии ҷомеа нест. Мо бояд ҳарчи зудтар вазъро ба маҷрои ҳуқуқӣ баргардонем. Ҳар вақте раҳбарони қонунии ниҳодҳои иҷроияи давлатӣ таъйин шуданду кишвар ба масири қонунӣ баргашт ман омодаам, ки аз мақоми президентӣ истеъфо диҳам", - гуфтааст ӯ.
Гуфта мешавад, ин дар ҳолест, ки президенти Қирғизистон пештар ҳаводиси ахири кишварашро "талоши ғасби қудрат" арзёбӣ мекард.
Ёдрас мешавад, ки эътирозгарон зидди натиҷаҳои интихоботи порлумонии Қирғизистон шаби 5 ба 6 октябр бинои порлумон ва дафтари раёсатҷумҳуриро ғасб карданд. Президент Жээнбеков аз мазҳари ом нопадид шуд, вале хадамоти матбуотии ӯ пайваста аз номаш изҳорот нашр ва ҳар бор таъкид мекунад, ки президент дар Бишкек аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста