Раиси Кумитаи давлатии амнияти миллии Қирғизистон Қамчибек Тошиев, имрӯз дар Бишкек зимни як нишастӣ матбуотӣ, ки ҳоло ҷараён дорад, гуфт ки масъалаҳои марзӣ бо Тоҷикистон то кунун ҳалношуда боқӣ мондаанд.
Ӯ дар ин нишаст, дар минтақаҳои баҳсии марзӣ миёни Тоҷикистону Қирғизистон, бунёди роҳи Хоҷаи Аъло-Ворух ва вазъи сарҳади Тоҷикистону Афғонистон дар пайи фаъол шудани “Толибон” суҳбат кард.
Тавре “24.kg” аз қавли ӯ менависад, Қирғизистон тасмим гирифтааст, ки роҳи Хоҷаи Аъло-Ворухро худаш бисозад ва роҳ дар қаламрави ин кишвар ҷойгир хоҳад шуд.
- Мо исрор дорем, ки сохтмони роҳҳо бояд дар тӯли тамоми хати сарҳадӣ анҷом дода шавад, на танҳо дар як қисми он,-гуфтааст Тошиев.
Ёдовар мешавем, ки баъди ҳодисаҳои марзии Тоҷикистону Қирғзистон, ки охири моҳи апрели соли равон ба сар зада буд, Тоҷикистону Қирғизистон дар мавриди бунёди якҷояи роҳи Хоҷаи Аъло-Ворух созиш карда буданд.
Манбаъ, ҳамчунин, менависад, Қамчибек Тошиев, ки ҳамчунин, раиси комиссияи байниҳукуматӣ оид ба таъину аломатгузории қисматҳои алоҳидаи марзидавлатӣ аз ҷониби Қирғизистон аст, иқрор шудааст, ки масъалаи минтақаҳои баҳснок байни марзҳои Тоҷикистону Қирғизистон ҳалношуда боқӣ мондааст.
- Тасмими ниҳоӣ дар бораи минтақаҳои баҳсии марзи Қирғизистон ва Тоҷикистон вуҷуд надорад,-гуфтааст ӯ.
Ба иттилои вай, дар асоси протоколе, ки 1 майи соли 2021 ба имзо расид, дар ҳудуди деҳаи Қулундуни ноҳияи Лайлаки вилояти Бодканд, дар 36 километри марз таъини марз идома дорад.
- Протоколи охир дар бораи қитъаҳое, ки баҳсбарангез нестанд, қарор қабул кард. Инҳо, киштзорҳо ва кӯҳҳое мебошанд, ки ба харитаҳои соли 1991 мувофиқат мекунанд. То ҳавзаи Қулунду 36 километр муайян карда шуд. Дар бораи минтақаҳои баҳсбарангез ҳанӯз созиш ба даст наомадааст,-гуфтааст Тошиев.
Роҳбари Кумитаи давлатии амнияти миллӣ қайд кардааст, ки масъалаи марз ҳангоми сафари президент Содир Ҷапаров ба Душанбе низ баррасӣ шудааст.
- Эмомалӣ Раҳмон ва Содир Ҷаборов дар асоси ҳуҷҷатҳо ва харитаҳо дар суҳбати 5-6 соатаашон масъалаи марзиро як ба як баррасӣ карданд. Аммо ҳанӯз пешрафте дида намешавад,-гуфтааст Тошиев.
Бояд гуфт, ки 28-29 июни соли равон Президенти Қирғизистон Содир Ҷаборов ба Тоҷикистон сафари расмӣ дошт ва бо ҳамтои тоҷикаш Эмомалӣ Раҳмон муддати 6 соат суҳбат кард. Интизор мерафт, ки дар ин суҳбат масъалаҳои марзӣ роҳи ҳалли худро меёбанд ва чанд ҳуҷҷати муҳим ҳам дар ин самт ба имзо мерасад. Вале чунин нашуд. Баъди суҳбати 6-соата онҳо бо имзои чанд созишнома ва ёддошти ба қавле камаҳамият иктифо карданд.
Ба иттилои “akipress.org” роҳбари КДАМ-и Қирғизистон дар мавриди вазъи марзи Афғонистону Тоҷикистон ҳам сухан карда гуфтааст, ки онҳо ба чунин таҳдидҳо омодаанд.
Ӯ гуфтааст, маълумот мавҷуд аст, ки шаҳрвандони Қирғизистон қасд доранд аз Сурия ба ватан баргарданд.
- Ҳоло дар Тоҷикистон ва Ӯзбакистон, ки бо Афғонистон ҳаммарзанд, вазъияти душвор ба вуҷуд омада истодааст. Ҳамаи гурезагони Афғонистон метавонанд ба мамлакати мо ҳам оянд,-гуфтаат Тошиев.
Ба таъкиди ӯ, Кумитаи давлатии амнияти миллии Қирғизистон ба ин омода аст.
Раиси Кумитаи давлатии амнияти миллӣ Қамчибек Тошиев дар посух ба савол, ки оё Қирғизистон дар ҳалли вазъи Афғонистон бо Тоҷикистон ҳамкорӣ хоҳад кард, посухи мусбат дод. "Табиист, ки мо бояд дар доираи СААД ҳамкорӣ кунем, зеро Афғонистон барои ҳамаи кишварҳои Осиёи Марказӣ хатари беруна аст", - гуфт Тошиев.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Петербург шаҳрванди Тоҷикистонро ба сафедкунии терроризм айбдор карданд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста