Вазорати корҳои хориҷии Тоҷикистон дар робита ба вазъи амниятии Қазоқистон аз шаҳрвандони кишвар хоҳиш намуд, ки то пурра ба эътидол омадани вазъ аз сафар ба Қазоқистон худдорӣ намоянд. Ҳушдори мазкур дар сомонаи ВКХ Тоҷикистон нашр шудааст.
Манбаъ ҳамчунин, гуфтааст, сафорати Тоҷикистон дар шаҳри Нур-Султон ва Консулгарии генералии кишвар дар шаҳри Алмаатои Қазоқистон ба таври муқаррарӣ фаъолият менамоянд.
Ин ниҳод аз шаҳрвандони Тоҷикистоне ки дар Қазоқистон қарор доранд, хоҳиш намудааст, “ҳушёриро аз даст надода, аз ҷойҳои серодам канорагирӣ намоянд”.
ВКХ Тоҷикистон ба шаҳрвандони Тоҷикистон ҳамчунин, тавсия додааст, ки дастуру ҳидоятҳои ҷоригардидаи низоми фавқулоддаро дар қаламрави Қазоқистон қатъиян риоя намоянд.
- Дар сурати ба мушкилӣ дучор гардидани шаҳрвандони Тоҷикистон, онҳоро зарур аст, ки фавран ба телефони шабонарӯзии Сафорати Тоҷикистон дар шаҳри Нур-Султон +77172240929 хабар диҳанд,- омадааст дар изҳороти ВКх Тоҷикистон.
Ёдовар мешавем, ки дар Қазоқистон рӯзи якшанбе алайҳи болоравии нархи гази моеъ эътирозҳои оммавӣ оғоз гардиданд. Гирдиҳамоиҳо нахуст дар шаҳри Жанаозени вилояти Мангистау оғоз гардида, сипас дар дигар шаҳрҳо идома ёфтанд.
Дар пасманзари эътирозҳо ҳукумати Қазоқистон ба истеъфо рафт. Дирӯз президенти Қазоқистон Қосим-Жомарт Токаев изҳор дошт, ки Нурсултон Назарбоев дигар раиси Шӯрои амнияти кишвар нест.
Рӯзи 5 январ президенти Қазоқистон Қосим-Жомарт Тоқаев изҳор дошт, ки дастандаркорони бетартибиҳо дар Қазоқистон “гуруҳҳои террористии аслан байнулмилалӣ буда, дар хориҷи кишвар аз тамрини ҷиддӣ гузаштаанд ва ҳамлаи онҳо ба Қазоқистон бояд як амали таҷовузкорона арзёбӣ шавад”.
Субҳи имрӯз, Вазорати корҳои хориҷаи Тоҷикистон бо нашри як изҳорот гуфт, ки Тоҷикистон дар доираи СПАД ба Қазоқистон неру мефиристад. Тибқи баъзе хабарҳо шумораи умумии сарбозҳо 200 нафарро ташкил медиҳад.
Ҳамчунин, имрӯз, ВКХ Тоҷикистон гуфт, ки ин кишвар ривоҷи воқеаҳо дар Қазоқистонро пайгирӣ менамояд ва аз пайдо шудани гурӯҳҳои яроқноки ғайриқонунӣ нигаронии амиқ менамояд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста