Тибқи як созишномаи ҳосилшуда миёни Қирғизистон ва Русия аз ин ба баъд тобут ё “Бори-200”-и қирғизҳо ройгон ба ватанашон оварда мешавад. Дар ин бора расонаҳои қирғизӣ бо истинод ба сафорати ин кишвар дар Русия хабар додаанд.
Гуфта мешавад ширкати ҳавоии “Уральские авиалинии” тобут ё бори “груз-200”-и шаҳрвандони Қирғизистонро аз Русия аз ин ба баъд ройгон меорад. Қаблан Агентии давлатии ҳавонавардии шаҳрвандии Қирғизистон бо ширкати ҳамтои худ аз Русия музокироте анҷом дода ва дар ниҳоят 17-уми май ба созиш расидаанд, ки аз чанд шаҳри Русия тобути қирғизҳо ройгон ба ватан оварда мешавад.
Ба ин тартиб, тибқи ин созишнома “Бори-200” тариқи хатсайрҳои Челябинск-Ош, Уфа-Ош, Минеральные воды–Ош, Нижневартовск-Ош, Қазон–Ош, Самара-Ош, Сочи-Ош ва Самара–Бишкек, Сочи–Бишкек ба Қирғизистон бепул оварда мешавад.
Дар ҳамин ҳол, ба таъкиди сафорати Қирғизистон, сарфи назар аз интиқоли ройгони бори-200, нафари ирсолкунандаи бор бояд харҷи платформаи ҳавопаймо ва харҷи фурудгоҳро пардохт кунад.
Дар Тоҷикистон ҳам бар асоси як дастури раисҷумҳур Эмомалӣ Раҳмон, тобути фавтидаи шаҳрвандони кишвар дар Русия ё "Бори 200" аз сӯйи ширкати "Тоҷик Эйр" ройгон оварда мешуд, аммо пас аз варшикаста шудани ин ширкат, ҳоло аз ҷониби ширкати "Сомон Эйр" ҳам ройгон оварда мешаванд.
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Кулли ахбор
Авторизуйтесь, пожалуйста