Душанбе. 1-уми август. ОИ «Азия-Плюс» - Тибқи маълумоти расидаи ахир дастаи олитмпичиёни тоҷик ба 15 нафар расид - тирандоз Сергей Бабиков низ ба ҳайатаи даста шомил шуд.

Ҳамчунин зимни гусели варзишгарони тоҷик директори генералии ширкати « Babilon » Беҳзод Файзуллоев изҳор дошт, ки барои варзишгарон мукофотпулӣ муайян кардааст - барои ҷозаи тилло - 30, нуқра- 20 ва биринҷӣ - 10 ҳазор доллари амрикоӣ.

Бад-ин тартиб, 15 варзишгари Тоҷикистон дар Олимпиадаи Пекин шарафи кишварро ҳимоят хоҳанд кард. Ин варзишгарон Дилшод Назаров (варзиши сабук, гурзандозӣ), Галина Митяева (варзиши сабук, гурзандозӣ), Расул Боқиев (дзюдо, то 73 кг ), Шералӣ Бозоров (дзюдо, то 81 кг ), Неъматуллоҳ Асронқулов (дзюдо, то 90 кг ), Виталий Корякин (гӯштии озод, то 60 кг ), Юсуф Абдусаломов (гӯштии озод, то 84 кг ), Шералӣ Достиев (бокс, то 48 кг ), Анвар Юнусов (бокс, то 51 кг ), Ҷаҳон Қурбонов (бокс, то 81 кг ), Екатерина Измайлова (шиноварӣ, тарзи озод, 50 м ), Алишер Чингизов (шиноварӣ, тарзи озод, 50 м ), Албина Камолиддинова (камонварӣ), Низом Сангов (вазнабардорӣ, 69 кг ) ва Сергей Бабиков (тирандозӣ) мебошанд.