Дар бозии финалии Ҷоми федератсияи футболи Тоҷикистон, ки ҷоизаи он 30 ҳазор сомониро ташкил медиҳад, дастаи «Хайр»-и Ваҳдат бо ССКА «Помир»-и Душанбе рақобат мекунанд. Ин аз рӯйи натоиҷи бозиҳои нимниҳоӣ, ки 8-уми июл доир шуданд, маълум гардид.
Чӣ тавре ки торнамои расмии Федератсияи футболи Тоҷикистон иттилоъ медиҳад. ССКА «Помир» дар вохӯрии ҷавобӣ низ бар дастаи «Эсхата»-и Хуҷанд бо ҳисоби 1:0 пирӯз гардид (бозии аввал - 3:0) ва «Хайр» бо ҷамъи натиҷаҳои бозӣ ба ҳисоби умумии 3:1 тими истравшании «Далерон-Ӯротеппа»-ро шикаст дод.
Пас аз бохти ҳадди ақалл (0:1) дар аввалин бозии нимниҳоӣ тими шаҳри Ваҳдатро барои расидан ба даври ниҳоӣ зарур буд, ки ғолиби мусобиқоти Тоҷикистон миёни дастаҳои бошгоҳи якум дар минтақаи Суғд - дастаи «Ӯротеппа»-ро бо бартарии ду ва зиёда тӯб шикаст диҳад. Футболбозони дастаи «Хайр» аз оғози бозӣ бартариро соҳиб шуда, тӯби аввалро ба дарвозаи ҳариф ворид карданд.
Дар дақиқаи 11-уми вохӯрӣ нишонзан Мирзобек Мирзоев ҳисобро кушод. Тими Ваҳдат ҳуҷум дар дарвозаи «Ӯротеппа»-ро идома дода, баъд аз гузашти 33 дақиқа легионер аз Гана Муҳаммад Иброҳим бо дарвозабон як ба як баромада, тӯби дуюмро вориди дарвоза кард. Пас аз сипарӣ шудани 4 дақиқаи дигар ҳимоягар Маҳмадлоиқ Нуриддинов ба ҳуҷум гузашта, бо зарбаи сар ҳисобро ба 3:0 расонид. Пас аз танаффус дастаи Истаравшан хост ҳисобро баробар кунад, аммо то охири бозӣ ба ин муваффақ нашуд.
ССКА «Помир»-и Душанбе барандаи бозии аввали нимниҳоӣ бо ҳисоби 3:0 гардида, дар бозии ҷавобӣ бар тими «Эсхата»-и Хуҷанд 1:0 пирӯз шуд. Тӯби нахустинро дар нимаи аввали бозӣ нимҳимоягар Шамсиддин Қосимов ба дарвозаи ҳариф ворид кард.
Ба ин тариқ, дар бозии ниҳоии Ҷоми федератсияи футболи Тоҷикистон дастаҳои «Хайр»-и Ваҳдат ва ССКА «Помир»-и Душанбе вомехӯранд. Таърих ва маҳалли баргузории бозии ниҳоӣ Федератсияи футболи Тоҷикистон дертар муайян хоҳад кард.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста