Президенти Федератсияи байнулмилалии футбол (FIFA) Йозеф Блаттер нимаи дуюми рӯзи 25-уми март ба Душанбе меояд.
Бино ба иттилои котиби матбуотии ФФТ Фаридун Солиев, пас аз ба пойтахти Тоҷикистон расидан Блаттерро президенти Тоҷикистон Эмомалӣ Раҳмон ба ҳузур мепазирад.
Рӯзи сешанбе (25 март) президенти ФИФА дар вохӯрӣ барои дарёфти Суперҷоми Тоҷикистон миёни чемпиони соли 2013-и футболи Тоҷикистон «Равшан»-и Кӯлоб ва дорандаи Ҷоми футболи мавсими 2013 «Истиқлол»-и Душанбе ширкат хоҳад варзид.
Ин вохӯрӣ соати 17-00 дар Варзишгоҳи марказии Душанбе доир мегардад, ки таъмиру азнавсозии майдони наваш ба итмом расид. Дар анҷоми вохӯрӣ Йозеф Блатттер дар вазъи тантанавӣ Суперҷоми Тоҷикистонро ба дастаи ғолиб хоҳад супурд.
Рӯзи дигар, 26-уми март президенти ФИФА дар ҷашнвораи кӯдкона ширкат варзида, ба Соли футболи оммавӣ дар Тоҷикистон ҳусни оғоз хоҳад бахшид. Ин чорабинӣ соати 10-00 оғоз гардида, дар Варзишгоҳи марказии ҷумҳуриявӣ доир мегардад.
Дар анҷоми ҷашнвора президенти ФИФА дар вазъи тантанавӣ майдони сунъӣ дар майдони эҳтиётии Варзишгоҳи марказиро ифтитоҳ хоҳад кард, ки тибқи барномаи «Гол-2»-и ФИФА сохта шуда, моҳи майи соли гузашта ба истифода дода шуда буд. Сипас роҳбари футболи ҷаҳонӣ ба сохтмони боз як майдони сунъии футбол дар Душанбе бо маблағгузории ФИФА дар паҳлӯи майдони бозии теннис низ ҳусни оғоз мебахшад.
Рӯзи чоршанбе соати 11-00 Йозеф Блаттер дар меҳмонхонаи «Хайят Реҷенси» аз рӯи натиҷаҳои сафари худ ба Душанбе нишасти матбуотӣ барпо мекунад.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста