Пас аз анҷоми бозии дӯстонаи собиқадорони дастаҳои футболи «Помир»-и Душанбе ва «Спартак»-и Маскав, ки рӯзи 25-уми октябр дар Варзишгоҳи марказии пойтахт доир мегардад, бозии лотерея гузаронида шуда, дар он автомашинаи тамғаи «Мерседес-Бенс» ба бозӣ гузошта мешавад.
Тавре аз Федератсияи футболи Тоҷикистон хабар доданд, дар ин бозӣ тамошобинонро натанҳо баҳра аз ҳунарнамоии футболбозони дӯстдошта, балки боз якчанд чорабиниҳои гуногуни ҷолиби фароғатӣ низ интизор аст. Нархи билет ба ҳама қисматҳо (трибунаҳо)-и варзишгоҳ як хел – 15 сомонӣ аст. Бозӣ соати 17-00 оғоз мегардад.
Дар ҳайати собиқадорони дастаи футболи «Помир» ҳунарнамоии Андрей Мананников, Станислав Карасев, Анатолий Воловоденко, Олег Ширинбеков, Олимҷон Рафиқов, Олег Малюков, Алексей Чередник, Валерий Турсунов, Ҳаким Фузайлов, Александр Пилюгин, Муҳсин Муҳаммадиев, Вазген Манасян, Нариман Палабуюк, Азамат Абдураимов, Равшан Бозоров, Рустам Забиров, Владимир Ғуломҳайдаров, Александр Азимов, Абдуғаффор Юлдошев, Алиёр Ашӯрмамадов, Умед Алидодов, Сулаймон Бобокалонов ва дигарон дар назар аст. Сармураббии даста Мураббии шоистаи ИҶШС Шарфи Назаров мебошад.
Ҳайати собиқадорони дастаи футболи «Спартак»-ро бозингарон Руслан Нигматуллин, Дмитрий Хлестов, Борис Поздняков, Рамиз Мамедов, Юрий Ковтун, Сергей Шавло, Вагиз Хидиятуллин, Валерий Кечинов, Георгий Яртсев, Валерий Шмаров, Андрей Пятнитский, Юрий Гаврилов, Эдуард Мор, Олег Кужлев, Владимир Букиевский, Александр Кокорев ва дигарон намояндагӣ мекунанд. Сармурббиёни дастаи маскавиҳо Олег Романтсев ва Вячеслав Егорович таъин шудаанд. Ҳамаи онҳо тӯли солҳои гуногун дар ин дастаи маъруфи Русия, ки аксаран онро дастаи мардумӣ мегӯянд, ҳунарнамоӣ кардаанд.
Ёдрас мекунем, ки рӯзи душанбеи ҳамин ҳафта дар бозии лотерея, ки баъди хотимаи бозии дастаҳои футболи «Истиқлол» (Душанбе) ва «Шалке-04» (Олмон) миёни мухлисони футбол доир гардид, сокини ноҳияи Варзоб Саидаҳмад Нарзуллоев автомашинаи тамғаи «Мерседкес- Бенс» бурд кард.
Билетҳои бозии «Истиқлол» - «Шалке-04» низ сарфи назар аз ҷой, дар варзишгоҳи комилан аз мухлисон пуршуда 15 сомонӣ (тақрибьан 3 $) нарх дошт. Аз фурӯши тамоми билетҳо дар Варзишгоҳи марказии дорои 20 ҳазор ҷойи нишаст 300 ҳазор сомонӣ (тақрибан 60 ҳазор $) даромад ба даст меояд.
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Кулли ахбор
Авторизуйтесь, пожалуйста