Рӯзи чоршанбеи ҳамин ҳафта дар Кумитаи миллии олимпӣ (КМО)-и Тоҷикистон машғулиятҳои байнулмилалӣ оид ба футбол барои мураббиён аз рӯи барномаи ҳамраъйии олимпӣ оғоз гардиданд.
Бино ба иттилои хадамоти матбуоти КМО Тоҷикистон, машғулиятҳоро дар ин давраи омӯзишӣ футболбози машҳури замони шӯравӣ, футболбози беҳтарин дар таърихи футболи Белорус, дорандаи медалҳои нуқраи мусобиқоти қаҳрамонии Аврупо (соли 1988) дар ҳайати дастаи мунтахаби Иттиҳоди Шӯравӣ, собиқ нимҳимоятгари дастаҳои «Динамо»-и Минск ва «Ювентус»-и Италия Сергей Алейников баргузор мекунад.
Машғулиятҳои байнулмилалӣ оид ба футбол барои мураббиён аз ҷониби Кумитаи миллии олимпӣ ва Федератсияи футболи Тоҷикистон (ФФТ) созмон дода шуда, дар ин машғулиятҳо 25 нафар мураббиёни футбол аз минтақаҳои гуногуни кишвар иштирок мекунанд.
Дар маросими ифтитоҳи машғулиятҳо дабири кулли КМО ҶТ Баҳрулло Раҷабалиев ва котиби генералии ФФТ Ислом Маҳмадшоев ба Сергей Алейников барои розигиаш дар баргузории ин машғулиятҳо миннатдорӣ изҳор намуда, дар муроҷиат ба иштирокчиёни машғулиятҳо изҳори умедворӣ карданд, ки минбаъд мураббиён дар фаъолияти худ аз донишу таҷрибаи омӯхтаашон дар ин машғулиятҳо пурсамар истифода хоҳанд кард.
Қобили зикр аст, ки Сергей Алейников дар дастаҳои «Динамо» Минск (солҳои 1981 - 1989), «Ювентус» Турин, Италия (1989 - 1990), «Лечче», Италия (1990 - 1993), «Гамба Осака», Япония (1993 - 1995), «Оддеволде», Шветсия (1996), «Корильяно», Италия (1997) ҳунарнамоӣ карда, дар як қатор дастаҳои футболи Италия ба ҳайси мураббӣ низ фаъолият кардааст.
Дар мусобиқоти Чемпионатҳои Аврупо (солҳои 1988 ва 1992), Чемпионати ҷаҳон (солҳои 1986 ва 1990) низ ширкат варзида, аз рӯи назарсанҷӣ ба муносибати 50-солагии Иттиҳоди ассотсиатсияҳои футболи Аврупо (УЭФА) беҳтарин футболбози Белорус дар тӯли 50 сол эътироф гардидааст.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста