Дар чемпионати Тоҷикистон оид ба футбол миёни бонувон дастаи “Хатлон”-и шаҳри Бохтар пирӯз шуд.
Тибқи иттилои Кумитаи миллии олимпии Тоҷикистон, ҷойи дуюм насиби дастаи “Зебонисо”-и шаҳри Душанбе шуд. Мавқеи сеюмро тими “Зебо”-и ноҳияи Дӯстӣ ба даст овард.
Дастаи «Хатлон»-и шаҳри Бохтар дар рафти чемпионат аз 18 бозӣ дар 16 дидор ғалаба карда, як бозиро мусовӣ анҷом дод ва дар як бозии дигар бохт. Он бо 49 хол дар ҷойи аввали ҷадвал қарор гирифт.
Дар номинаҳои дигар Меҳрона Файзуллоева аз дастаи “Хатлон” дарвозабони беҳтарин, Меҳрангез Шарипова аз дастаи “Хатлон” нишонзани беҳтарин, Некубахт Худододова аз дастаи “Зебонисо” бозингари беҳтарин ва сармураббии дастаи “Хатлон” Ашӯр Гадоев мураббии беҳтарин эътироф шуданд.
Дар Чемпионати Тоҷикистон миёни бонувон 10 даста ширкат варзида, 7 даста вилояти Хатлонро намояндагӣ карданд: «Зебонисо» (Душанбе), «Хатлон» (Бохтар), «Регар-ТадАЗ» (Турсунзода), «Барқ» (Норак), «Ситора» (Фархор), «Зебо» (Дӯстӣ), «Чашма» (Шаҳритӯс), «Равшан» (Кӯлоб), «Бешкент» (Носири Хусрав) ва «Конибодом» (Конибодом).
Чемпионат дар ду марҳила ҷараён гирифт ва ҳар даста бо тимҳои дигар 2 бозӣ (дар хона ва дар сафар) анҷом доданд.
Маросими ҷоизасупорӣ ба ғолибон 12-уми ноябр дар варзишгоҳи “Пахтакор”-и шаҳри Бохтар баргузор шудааст.
Қобили зикр аст, ки соли гузашта чемпионати Тоҷикистон миёни бонувон бо иштироки 6 даста доир гардида, тими “Зебонисо”-и шаҳри Душанбе ғолиб шуда буд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста