Дастаи “Хатлон”-и Бохтар ғолиби марҳилаи аввали Чемпионати Тоҷикистон оид ба футбол миёни бонувон гардид.
Ба иттилои Кумитаи миллии олимпӣ, дар марҳилаи аввал футболбозбонувони Бохтар дар 8 бозӣ ғалаба карда, як дидорро мусовӣ анҷом доданд ва аз 27 холи имконпазир ба гирифтани 25 хол даст ёфтанд.
Дар ҷои дуюм бо 24 хол дастаи “Зебонисо”- и Душанбе мавқеъ гирифт. Ҷои сеюмро тими “Зебо”-и Дӯстӣ бо 22 хол ишғол кард.
Гуфта мешавад, ки дар даври ниҳоии марҳилаи аввал “Хатлон” ба дарвозаи “Равшан” 6 голи беҷавоб зад. 5 голро Лайло Ҳалимова ба номаш сабт кард. “Регар-ТадАЗ” бар тими “Барқ” пирӯз шуд – 7:1. Дар ҳайати тими ғолиб Наргиза Бобоева хет-трик анҷом дод. Дар бозии дигар “Панҷшер” аз “Зебо” бо ҳисоби 0:12 шикаст хурд. Меҳрангез Шарифова ва Саҳина Саидова 4-голӣ заданд. Дар ду бозии дигар “Бешкент” бар “Чашма” бо ҳисоби 7:0 ва “Зебонисо” бар “Ҳосилот” бо ҳисоби 11:0 ғолиб омаданд. Дар ҳайати “Чашма” Рафина Нурмуродова 6 тӯб, дар ҳайати “Зебонисо” бошад, Мадина Фозилова 4 тӯб ба ҳадаф расонданд.
Рӯзи 12 август дар даври 10-ум чунин дастаҳо бо ҳам вомехӯранд: «Хатлон» – «Равшан», «Регар-ТадАЗ» – «Барқ», «Панҷшер» – «Зебо», «Бешкент» – «Чашма», «Зебонисо» – «Ҳосилот».
Қобили зикр аст, ки дар Чемпионати Лигаи футболи бонувони Тоҷикистон 10 даста иштирок мекунанд: "Хатлон" (Бохтар), "Зебонисо" (Душанбе), "Зебо" (Дӯстӣ), "Регар-ТадАЗ" (Турсунзода), "Бешкент" (Носири Хусрав), "Барқ" (Норак), "Ҳосилот" (Фархор), "Чашма" (Шаҳритус), ”Равшан" (Кӯлоб) ва "Панҷшер" (Ҷалолиддин Балхӣ).
Ҷадвали мусобиқа
Дастаҳо Б Ғ М Б Т-Т Х
1 "Хатлон" 9 8 1 0 63-5 25
2 "Зебонисо" 9 8 0 1 84-2 24
3 "Зебо" 9 7 1 1 51-8 22
4 "Регар-ТадАЗ" 9 5 1 3 40-9 16
5 "Бешкент" 9 5 1 3 36-10 16
6 "Барқ" 9 3 1 5 7-46 10
7 "Ҳосилот" 9 2 1 6 5-42 7
8 "Чашма" 9 2 0 7 8-62 6
9 "Равшан" 9 1 0 8 1-44 3
10 "Панҷшер" 9 0 2 7 5-72 2
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста