Бозиҳои даври 10-уми марҳилаи дуюми Чемпионати Тоҷикистон оид ба футбол миёни дастаҳои лигаи олӣ шуруъ шуд.

Ба иттилои Кумитаи миллии олимпӣ, 8-уми август се бозӣ байни дастаҳо доир гардид. “Хуҷанд” дар сафар бар тими “Душанбе-83” ғалаба кард – 2:1. Пешсафи чемпионат – “Истиқлол”- и Душанбе низ дар сафар бар дастаи “Локомотив-Помир” пирӯз шуд – 3:0. Бозӣ миёни дастаҳои “Файзканд” ва “Куктош” бидуни гол анҷом ёфт.

Ду бозии дигари даври 10-ум 9- уми август баргузор шуд. Дастаи “Хатлон”-и Бохтар дар майдони худ “Регар-ТадАЗ”-ро  бо ҳисоби 4:2 мағлуб намуд. Бозии охирини давр мусовӣ- 1:1 анҷом ёфт.

Дар ҷадвали мусобиқа дастаи “Истиқлол” бо 28 хол ҷои аввалро ишғол кардааст. “Хуҷанд”, ки 22 хол дорад, дар ҷои дуюм, “Хатлон” бо 21 хол дар ҷои сеюм мавқеъ гирифтаанд.

Бозиҳои даври 11-уми чемпионат  12-13 август доир мегарданд.

 №                         Дастаҳо                          Б             Ғ          М         Б         Т-Т          Х  

 1             "Истиқлол" (Душанбе)               10           9            1            0            42-5       28

 2            "Хуҷанд" (Хуҷанд)                       10           7            1            2            19-11       22

 3            "Хатлон" (Бохтар)                       10           6            3            1            20-14      21

 4            КМВА (Душанбе)                       10           4             3           3            14-13      15

 5            "Куктош" (Рӯдакӣ)                      10            3             4          3            11-12       13

 6            "Душанбе-83" (Душанбе)           10           3            2            5            10-18       11

 7            "Файзканд" (Восеъ)                    10           2            5            3              10-17     11

 8            "Регар-ТадАЗ" (Турсунзода)      10           2            2            6            15-23         8

 9            "Истаравшан" (Истаравшан)     10           1            2            7            11-27         5

 10          "Локомотив-Помир" (Душ)       10          1             1             8            7-19         4    

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.