Пас аз се рӯзи ғарқ шудан, ғаввосон ҷасади як навраси 13-соларо аз об берун кашидаанд. Кумитаи ҳолатҳои фавқулодда ва мудофиаи граждании Тоҷикистон дар як изҳороте гуфт, сабаби марги наврас маълум нест, аммо тахмин задаанд, ки аз беназоратӣ ва надонистани қоидаҳои шиноварӣ ғарқ шудааст.
Ҷасади беҷонро ба мақомоти ҳифзи ҳуқуқ супурдаанд.
Ба иттилои Кумитаи ҳолатҳои фавқуллода, ба онҳо соати 15:25 дақиқаи рӯзи 26-уми май хабари дар дарёи Душанбе ғарқ шудани навраси 13-сола дар ҳудуди кӯчаи Нодираи шаҳри Душанбе расидааст. Бо гузашти се рӯз аз корҳои ҷустуҷӯӣ, дастаи махсуси зудамали наҷоти Раёсати Кумита дар шаҳри Душанбе, рӯзи 28-уми май ҷасади наврасро аз умқи оби канал берун кашида ба мақомоти ҳифзи ҳуқуқ супурдаанд.
Гуфта мешавад, навраси ғарқшуда сокини 13-солаи кӯчаи Нодира, бинои 97-и ноҳияи Исмоили Сомонии пойтахт будааст.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ҳамчунин бо нашри ин хабар, аз сокинони кишвар хостааст, фарзандони ноболиғи худро танҳову беназорат нагузоранд.
Сабаби аксари ҳодисаҳои нохуше, ки дар он кӯдакон қурбони он мешаванд, кумита аз беназоратӣ донистааст.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста