Ҷорӣ гардидани реҷаи маҳдуди истифодаи барқ ё худ лимит дар минтақаҳои кишвар ба афзоиши талабот ба ангишт ва болоравии нархи он боис гардид.
Вобаста ба макони ҷойгиршавии ин ё он минтақа нисбат ба конҳои ангишт, нархи чаканаи он барои 1 кило аз 20 то 50 дирам боло рафт.
Ба ин тариқ, дар вилояти Суғд, ки дар он конҳои ангишти кишвар ҷойгиранду инчунин конҳои ангшти Қирғизистон начандон дуранд, арзиши ангишт 15-20 дирам зиёд шуд.
Як кило ангишти маҳаллӣ дар ин минтақа айни замон ба ҳисоби миёна 1,4 сомонӣ ва ангишти Қирғизистон - 1,8 сомонӣ фурӯхта мешавад.
Дар бозорҳои гурӯҳи ноҳияҳои вилояти Хатлон нархи ангишт аз оғози моҳи январ 20-23 дирам боло рафта, як кило ангишти маҳаллӣ 1 сомонӣ ва воридотӣ - 2,5 сомонӣ нарх дорад.
Дар гурӯҳи ноҳияҳои Бохтари вилояти Хатлон 1 кило ангишти маҳаллиро бо 1,5 сомонӣ ва ангишти Қирғизистонро - бо 2,10 сомонӣ метавон харид.
Дар Ноҳияҳои тобеи марказ 1 кило ангишти маҳаллӣ - 1,8 сомонӣ, қирғизӣ - 2 сомонӣ фурӯхта мешавад. Дар ВМКБ ин нархҳо мутаносибан чунинанд: 2 сомонӣ ва 2,10 сомонӣ.
Нархи яклухти як тонна ангишт дар конҳо вобаста ба сифат ва тарзи истихроҷ (кушода ва зеризаминӣ) ба ҳисоби миёна 550 сомониро ташкил медиҳад, яъне 1 килои он 55 дирам нарх дорад. Ҳиссаи назаррасро дар нархгузории ин навъи сӯзишворӣ ба нуқтаҳои фурӯш бурда расонидани он ташкил медиҳад. Чунин нуқтаҳо дар саросари кишвар зиёда аз 2 ҳазоранд.
Тибқи маълумоти Вазорати саноат, давоми моҳҳои январ-ноябри соли 2020 дар ҷумҳурӣ 1 млн 855 ҳазор тонна ангишт истихроҷ шудааст, ки 1% камтар нисбат ба ҳамин давраи соли гузашта аст.
Соли 2019 дар Тоҷикистон ҳаҷми рекордӣ дар таърихи кишвар - зиёда аз 2 млн тонна ангишт истихроҷ шуд.
Дар ҷумҳурӣ 18 корхона ба истихроҷи ангишт машғуланд, лекин зиёда аз 95% аз ҳаҷми умумии истеҳсоли он ба 5 корхона - “Фон-Яғноб”, “Талко-Ресурс”, ҶДММ “КМТ”, “Зиддеҳ” ва ҶСК “Ангишт” рост меояд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста