Ҳарчанд гуфта мешавад дар шимоли кишвар дар соли гузашта 107 корхонаву коргоҳҳои нав таъсис ёфтаву 1570 нафарро бо кор таъмин кардаанд, аммо дар ин давра дар вилоят 26 корхона низ аз кор мондаанд. Бар асари аз кор мондаи ин корхонаҳо 238 нафар низ ҷойи кори худро аз даст додаанд, гуфтанд дар Сарраёсати омори вилояти Суғд ба “Азия-плюс”.
Ҳамзамон тибқи маълумоти дарёфтӣ 17 корхонаи дигари вилоят, ки бештар аз 900 корманд доранд камобеш ду сол мешавад, ки фаъолият намекунанд ва ё дар ҳоли барҳамхӯрӣ қарор доранд.
Як манбаъ аз ҳукумати вилояти Суғд гуфт, ки ин корхонаҳо бо сабаби рақобатпазир набудан дар бозор, набудани фармоишгар ва талабот ба маҳсулоти онҳо, ҳамчунин қарздорӣ аз андозу бонк зиёда аз 2 сол мешавад, ки фаъолият намекунанд.
Масалан дар Мастчоҳ ҶСК "Ҳасан Абдулов" ки ба коркарди нахи пахта машғул буд, бо сабаби қарздории андоз аз соли 2018-ум ин ҷониб кор намекунад. Ё фаъолияти ҶСП "Дорис", ки ба истеҳсоли равғани растанӣ дар ноҳияи Мастчоҳ сару кор дошт, бо ҳамин сабаб аз соли 2017-ум ин ҷониб аз фаъолият бозмондааст. ҶСК "Комбинати маъдантозакунии Адрасмон", дар шаҳри Гулистон, ки консертрати сурб ва нуқра истихроҷ мекунад, бо сабаби дар бозори ҷаҳонӣ паст рафтани нархи маҳсулот аз соли 2013 ба ин сӯй кор намекунад. Ҳоло ҳукуматдорони вилоят талош мекунанд, ки ин корхонаро, ки беш аз 500 корманд дошт, фаъол гардонанд.
Гуфта мешавад корхонаҳое, ки барҳам хӯрдаанд, асосан дар шаҳру ноҳияҳои Мастчоҳ (3 корхона), Конибодом (4), Спитамен (3), Хуҷанд (2), Деваштич (2), Гулистон 1 ва ноҳияи Ғафуров 2 корхона будаанд.
39 корхона ва 68 коргоҳҳое наве ки соли 2020-ум дар ҳуддуи вилоят таъсис ёфтаанд, бештар ба истеҳсолу дӯхти либоси мактабӣ, ниқобҳои тиббӣ, маҳсулоти қаннодӣ, истеҳсоли хишти хому пухта, мебел, семент, коркарди сангҳои табиӣ, қубурҳои оҳанӣ ва плостикӣ, коркарди меваи хушк, регу шағал, дару тирезаҳои алюминий, истеҳсоли гӯшти мурғ ва тухм, истеҳсоли пойафзол, коркард ва ба навъҳо ҷудокунии партовҳо, истеҳсоли рангҳо, шоколад, коғаз ва коғази ташноб, шифер, масолеҳи сохтмониву бетонӣ, тилло, коркарди консенрати флюорит, орд, маҳсулоти ороишӣ ва гигиенӣ (собун ва хокаи ҷомашўӣ) ва монанди инҳо машғуланд.
Дар Хуҷанд, ки яке аз шаҳрҳои бузурги саноатӣ дар кишвар маҳсуб меёбад, соли 2020-ум 17 корхонаи нави истеҳсолӣ, ки гуфта мешавад 427 ҷойи корӣ фароҳам кардаанд, ташкил шудааст. Шумораи умумии коргоҳу корхонаҳо дар маркази вилоят 165-то ҳисоб шудааст.
Тибқи маълумоти Вазорати саноат ва технологияҳои нав дар ҷумҳурӣ наздики 2,3 ҳазор корхонаи саноатӣ мавҷуданд, ки наздик ба 700-тои он дар вилояти Суғд қарор доранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста