Ширкати амрикоии Amazon ба истеҳсолкунандагон аз кишварҳои Осиёи Марказӣ иҷоза дод, ки маҳсулоти худро дар ин бузургтарин майдони фурӯши онлайн ба фурӯш гузоранд.
Рӯйхати кишварҳое, ки дар он, аз ҷумла Тоҷикистону Қазоқистон, Ӯзбекистону Қирғизистон ва Туркманистон зикр шудаанд, дар сомонаи расмии Amazon ҷой дода шудааст. Ин кишварҳо ба фурӯши маҳсулоти худ дар ин майдон ҳуқуқ пайдо намудаанд.
То ин дам дар Amazon сабти аккаунтҳои тиҷоратӣ аз кишварҳои Осиёи Марказӣ имконпазир буд, лекин истеҳсолкунандагони минтақа ба фурӯши маҳсулот дар ин платформа ҳуқуқ надоштанд. Ҳамчунин барои ба кишварҳои минтақа расонидани харидашон имкон мавҷуд надошт.
Акнун барои сабт дар ин платформа пешниҳоди нусхаи шиноснома, корти қарзии амалкунанда, суратҳисоби бонкӣ, рақами телефон ва маълумот дар бораи пардохти андоз лозим аст. Пас аз бақайдгирӣ сабти ҳисобгиришуда фаъол гардида, майдонҳои ҷаҳонии савдо ба истеҳсолкунанда дастрас мешаванд.
Ширкати фаромилии Amazon бузургтарин дар ҷаҳон платформаи тиҷорати электронӣ мебошад. Қароргоҳи ширкат дар шаҳри амрикоии Сиэтл (штати Вашингтон) воқеъ аст.
Ширкат соли 1994 аз ҷониби Ҷефф Безос ба сифати интернет-мағозаи фурӯши китобҳо таъсис дода шуд. Баъдан ба фурӯши маҳсулоти ҳархела, аз ҷумла видео, МР3, таъминоти барномавӣ, электроника, сарулибос, мебел, хӯрок ва ғайра оғоз намуд.
Айни замон ширкат дорои воҳидҳои нашриётии Amazon Publishing, киностудияи Amazon Studios буда, хатҳои электроникаи маишӣ истеҳсол мекунад. Сомонаҳои ҷудогонаро барои баъзе кишварҳо дастгирӣ намуда, расонидани байнулмилалии чанде аз маҳсулоти худро ба дигар кишварҳо пешниҳод менамояд.
Тибқи фарзияи Forbes, Ҷефф Безос сарватмандтарин шахси дунё аст. Моҳи январи соли 2021 дороии ӯ 187 млрд доллар арзёбӣ шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста