Дар нимсолаи аввали соли 2021 Маҷмӯи маҳсулоти дохилӣ (ММД)-и номиналии Тоҷикистон ба 39,9 млрд сомонӣ расида, афзоиши воқеии он 8,7 фоизро ташкил дод. Ин нишондиҳандаи баландтарин дар 5 сол буда, аз ҳисоби соҳаи саноат ба даст омадааст.
Вазири рушди иқтисод ва савдои ҷумҳурӣ Завқӣ Завқизода зимни нишасти матбуотии имрӯз, 2 август изҳор намуд, ки рушди ММД аз ҳисоби афзоиши истеҳсоли саноатӣ 23,4% (9,2% дар ҳамин давраи соли гузашта), бахши кишоварзӣ 8,1% (8,2%) ва маблағгузорӣ ба сармояи асосӣ ба андозаи 22,1% таъмин карда шуд.
"Нимаи аввали соли 2021 дар соҳаи саноат 78 корхона ба истифода дода шуд, ки дар онҳо 963 ҷойҳои нави корӣ фароҳам оварда шуд. Дар натиҷаи чораҳои андешида истеҳсоли маҳсулоти саноатӣ дар ҳаҷми умумӣ аз 16,6 миллиард сомонӣ гузашт, ки 23,4% зиёдтар аз нишондиҳанда дар ҳамин давраи соли гузашта ва нишондиҳандаи баландтарин дар 5 соли охир аст ", - гуфт вазир.
Ба гуфтаи Завқизода, сатҳи таваррум дар давраи январ-июни соли ҷорӣ 3,9%-ро ташкил дода, нисбат ба ҳамин давраи соли гузашта 0,4 банди фоизӣ коҳиш ёфтааст.
Зикр шуд, ки, ин тамоил асосан ба тағйири нархи маҳсулоти хӯрокворӣ (5,1%), маҳсулоти ғайриозуқа (3,1%) ва хизматрасонии пулакӣ (1,6%) вобаста аст.
Истеҳсоли нерӯи барқ 10 068,9 млн кВт/соатро ташкил дод, ки нисбат ба нимсолаи аввали соли гузашта 1,7% камтар аст.
Сабаби нисбатан кам истеҳсол шудани нерӯи барқ дар нерӯгоҳҳои барқӣ - 11% кам шудани хароҷоти оби рӯдхонаи Вахш дар моҳҳои январ-марти соли равон мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Наздикони ду гумонбари ҳамла ба "Крокус Сити Ҳолл"-и Маскав дар Тоҷикистон аллакай бозпурсӣ шудаанд
“Виза” ҷорӣ шавад”. Баъди ҳамла ба “Крокус Сити Ҳолл” вакилони Русия хостори ҷорӣ кардани раводид бо Тоҷикистон шуданд
Кулли ахбор
Авторизуйтесь, пожалуйста