Вакилони порлумони Тоҷикистон дар ҷаласаи имрӯзи Маҷлиси намояндагон кодекси нави андози Тоҷикистонро пазируфтанд. Лоиҳаи кодекси нави андоз дар Тоҷикистон аз ду сол пеш ба ин сӯ таҳия мешуд ва баҳсҳои гармеро низ ба бор оварда буд.
Кодекси нав аз сӯйи вакилон бо иттифоқи оро ё якдилона пазируфта шуд.
Вазири молияи Тоҷикистон Файзиддин Қаҳҳорзода, зимни муаррифи лоиҳаи нави кодекси андоз дар ҳузури вакилони порлумон гуфт, ки тибқи кодекси нав намудҳои андоз дар кишвар аз 10 ба 7 кам карда мешаванд ва меъёри андоз аз даромад аз 13 ба 12 дарсад кам карда шуд.
Дар кодекси нав тағйироту навовариҳои зиёде дар қонунгузории андоз пешбинӣ шудааст, аммо на ҳама тағйирот дарҳол пас аз қабули Кодекси нав мавриди амал қарор мегиранд. Пешбинӣ шудааст, ки меъёрҳои нав давоми чанд сол марҳила ба марҳила иҷроӣ шаванд.
Ҳамчунин ба гуфтаи вазири молия, "Меъёри андоз аз арзиши иловашуда (НДС) аз якуми январи соли 2022 ба 15, аз якуми январи соли 2023 то 14 ва аз якуми январи соли 2027 ба 13 дар сад расонида мешавад. Пештар меъёри ин андоз 18 дар сад буд".
Аммо бар асоси муқаррароти ин кодекси нав меъёри андози аксизӣ дар Тоҷикистон то ду фоиз зиёд карда шуд.
Кодекси нав низомҳо махсуси андозбандиро ба 8 дар сад кам кард, ки то ин дам 10 дар сад буд.
Моҳи майи соли 2019 Президенти Тоҷикистон Эмомалӣ Раҳмон дастур дод, ки бо назардошти манфиатҳои субъектҳои соҳибкорӣ, пеш аз ҳама истеҳсолкунандагон, лоиҳаи Кодекси андоз дар таҳрири нав омода карда шавад.
Қарор буд, ки ин санад дар миёнаҳои соли 2020 қабул карда шавад, аммо пандемия монеъа шуд, ки вазъи молиявӣ, иқтисодӣ ва иҷтимоии кишварро ба таври назаррас тағйир дод. Дар робита ба ин, ба таҳиягарони Кодекс лозим омад, ки баъзе меъёрҳои санадро бозбинӣ кунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста