Давоми моҳҳои январ-сентябри соли 2021 дар ҷумҳурӣ 229 корхонаву коргоҳи нав мавриди баҳрабардорӣ қарор гирифт.
Тавре дар гузориши Вазорати саноат ва технологияҳои нави кишвар зикр мегардад, дар онҳо ба маблағи 363 млн сомонӣ (зиёда аз 30 млн доллар) маҳсулот истеҳсол шудааст.
Дар ҳисоботи Вазорат гуфта мешавад, дар корхонаву коргоҳҳои зикргардида 2067 ҷойи корӣ фароҳам оварда шудааст.
Вуруди сармоягузорӣ ба соҳаи саноат дар зарфи 9 моҳи соли ҷорӣ дар ҳаҷми зиёда аз 3,8 млрд сомонӣ (340 млн доллар) зикр мешавад.
Дар Вазорат таъкид мекунанд, ки имсол истеҳсоли 35 навъи нави маҳсулот ба роҳ монда шудааст, ки қаблан дар ҷумҳурӣ истеҳсол намешуд.
Тибқи пешгӯйии Вазорати саноат, то охири сол ба 292 адад расонидани корхонаву коргоҳҳои нав ба нақша гирифта шудааст.
“Айни замон ҷиҳати тақвияти корҳо оид ба сохтмони корхонаҳои металлургӣ, коркарди маъдан, истихроҷу коркарди фулузоти ранга ва қиматбаҳо то маҳсулоти ниҳоӣ зарурат пеш омад”, - менависанд дар Вазорат.
Ҳамчунин зарурати рушди соҳаҳои саноати мошинсозӣ, нассоҷӣ, хӯрокворӣ ва доруворӣ дар заминаи бунёди паркҳои саноатӣ ва ҷорисозии лоиҳаҳои тайёри техникӣ таъкид мешавад.
Сармоягузориро барои амалисозии нақшаҳои зикршуда ҳукумат ният дорад ҳам дар дохил ва ҳам дар хориҷи кишвар ҷустуҷӯ кунад. Ҳамчунин сармоягузорӣ аз шарикони рушд (мададрасонони байнулмилалӣ) дар назар аст.
Тибқи маълумоти Вазорати саноат, дар ҷумҳурӣ 2360 корхонаи саноатӣ ба қайд гирифта шудааст: соли ҷорӣ 1891-тои онҳо (80,2%) пурра кор карда, 374 корхона (15,8%) мавсимӣ фаъолият намуд ва 95 корхонаву коргоҳ (4%) аз фаъолият бозмонда буданд.
Сабабҳои аз фаъолият бозмондани корхонаҳоро дар Вазорат омилҳои гуногун номбар мекунанд, аз қабили камбуди ашёи хом ё воситаҳои гардиш, анҷоми муҳлати иҷозатнома, кори мавсимӣ, фарсудашавии таҷҳизоти технологӣ, рақобатпазир набудани маҳсулоти истеҳсолмешуда, тағйирёбии самти кор, баҳсҳои амволӣ ва ғайра.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста