Арзиши сӯзишвории дизелӣ (солярка) дар нуқтаҳои фурӯши сӯзишвории пойтахти Тоҷикистон тайи ҳафтаи ахир ба андозаи 7% - аз 12 сомонӣ то 12,8 сомонӣ барои 1 литр боло рафт. Дар минтақаҳои ҷумҳурӣ низ нархи ин навъи сӯзишворӣ тақрибан ба ҳамин миқдор зиёд шуд.
Як литр сӯзишвории дизелӣ дар вилояти Суғд дирӯз, 30 июн 13,4 сомонӣ нарх дошта, чанде рӯз пеш бо арзиши 12,4 сомонӣ фурӯхта мешуд.
Нархи чаканаи сӯзишвории дизелӣ дар вилояти Хатлон вобаста ба шаҳру навоҳии ин минтақа имрӯз 13-14 сомониро ташкил медиҳад, ки 0,8-1 сомонӣ зиёдтар нисбат ба ҳафтаи гузашта аст.
Мувофиқи маълумоти омори расмӣ, давоми моҳҳои январ-майи соли равон нархҳои чакана ба сӯзишвории дизелӣ дар ҷумҳурӣ 8,4% боло рафтанд.
Сабаби болоравии ин навъи сӯзишвориро дар Хадамоти зиддиинҳисории кишвар ба афзоиши талабот ба ин навъи сӯзишворӣ ва мутаносибан гароншавии он дар кишварҳои содиркунанда нисбат медиҳанд.
Дар ҳамин ҳол, тайи вақтҳои ахир арзиши дигар навъҳои сӯзишворӣ барои автомашинаҳо қариб бетағйир боқӣ мемонад.
Як литр бензини арзонтарин (АИ-92) дар нуқтаҳои фурӯши пойтахт 10,6 сомонӣ, дар Хуҷанд ва Кӯлоб - 10,8 сомонӣ фурӯхта мешавад.
Нархи гази моеъ низ тағйир наёфта, имрӯз арзиши чаканаи он дар Душанбе ва Хуҷанд 6,10 сомонӣ ва Кӯлоб - 6,20 сомониро ташкил медиҳад.
Бино ба маълумоти Агентии омор, арзиши бензин дар ҷумҳурӣ тайи панҷ моҳи аввали соли 2022 ба андозаи 1,8% ва гази моеъ - 16,1% поин рафтааст.
Давоми моҳҳои январ-майи соли ҷорӣ ба Тоҷикистон ба маблағи зиёда аз 230 млн доллар ҳудуди 290 ҳазор тонна маҳсулоти нафтӣ ворид шудааст. Ҳаҷми воридот аз рӯи вазн ба андозаи 39% ва аз лиҳози арзиш - 2 баробар зиёд шудааст.
Қобили зикр аст, ки ҳудуди 90%-и маҳсулоти нафтӣ аз Русия ба Тоҷикистон ворид шуда, зиёда аз 90%-и гази моеъ аз Қазоқистон оварда мешавад.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста