Ҳукумати Тоҷикистон дар бораи ба ихтиёри ширкати “Алибобо ва 40 К” додани қитъаи замини масоҳаташ 6 гектар барои сохтмони корхонаи замонавии истеҳсоли маҳсулоти оби ҷав, нӯшокиҳои ташнашикани гуногунранг ва тарабхонаи брендӣ бо фурӯши маҳсулоти оби ҷав қарор ба имзо расонид.
Қарори марбутаи ҳукумат, ки дар портали иттилооти ҳуқуқии Вазорати адлияи ҷумҳурӣ нашр шудаааст, аз 31 август қабул шудааст.
Гуфта мешавад, қитъаи замини 5,27 гектар корами обӣ ва 0,73 гектар дигар заминҳои дар кишоварзӣ истифоданашавандаро ширкати “Алибобо ва 40 К” ба истифодаи бемуҳлат бе ҳуқуқи бегонакунии ҳуқуқи истифодабарӣ мегирад.
Дар ин санад дастур дода шудааст, ки қитъаи замини мазкур аз КВД “Лучоб” дар қаламрави ноҳияи Варзоб гирифта шавад.
“Алибобо ва 40 К” уҳдадор мешавад, ки то гирифтани қитъаи замин товони зарари заминистифодабарандаро дар ҳаҷми пурра ҷуброн намояд.
Ҳамчунин ширкат бояд маблағи талафи вобаста ба гирифтани заминҳо аз гардиши кишоварзиро ба суратҳисоби махсуси буҷети ҷумҳуриявӣ ҷуброн намояд. Ҳаҷми ин маблағ 1 млн 276 ҳазору 932 сомонӣ (ҳудуди 130 ҳазор доллар) зикр шудааст.
Дар санад гуфта мешавад, қитъаи замини додашударо ширкат бояд бо тартиби муқарраргардида мувофиқи таъиноти мақсаднок истифода кунад.
Аз манбаъҳои кушод дар бораи ширкати “Алибобо ва 40 К” ягон маълумот дарёфт нашуд.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста