Душанбе. 6-уми октябр. ОИ «Азия-Плюс» - Шоми дирӯз дар марзи Тоҷикистону Қирғизистон ва Чин заминларза рух дод. Заминларза соати 20-у 53 дақиқаи вақти Душанбе ба амал омад. Мувофиқи маълумоти пойгоҳи зилзиласанҷии Душанбе, маркази он дар масофаи 450 километрии самти шимолу шарқии пойтахти ҷумҳурӣ воқеъ буда, қувваи он дар он ҷо тақрибан
6,5 баллро ташкил дод. Қувваи зилзила дар Душанбе 3,4 ва Хоруғ 4,5 баллро ташкил додааст.
Дар бораи осебдидагон ва хисороти молӣ маълумоте дастрас нашудааст. Дар ҳамин ҳол, дирӯз тақрибан соатҳои 13-у 28 дақиқаи вақти маҳаллӣ дар Тоҷикистон заминларзаи навбатӣ рух дод, ки маркази он дар масофаи 143 километрии самти шимолу шарқии шаҳри Душанбе (водии Рашт) ҷойгир буда, қувваи он дар он ҷо тақрибан
4-5 балл, дар Ғарм - 4 балл ва дар шаҳри Душанбе - 3 баллро ташкил дод.
Бино ба иттилои сомонаи интернетии радиои «Озодӣ», шаби гузашта чанд заминларза Афғонистон ва Қирғизистону Тоҷикистон ва Узбакистонро таккон дод. Дар бораи кадом хисороти моливу ҷонии ин заминларзаҳо то ҳол гузориш нашудааст. Пажӯҳишгоҳи заминшиносии Амрико мегӯяд, зилзилаи қариб шашбалӣ Афғонистонро соати севуними субҳ таккон дод ва марказаш 70-километрии ҷануби Кобул буд.
Қаблан ин марказ ду заминларзаро дар ҷануби Қирғизистон сабт карда буд, ки яке наздики соати даҳи шаб ба вақти маҳаллӣ бо иқтидори 6,6 балл дар 50-километрии шарқи Қароқӯли Тоҷикистон ва дуввумӣ бо андаке фосила дар 60-километрии Саритош мушоҳида шудааст. Ҳамагӣ баъд аз чанд дақиқаи ин зилзила як заминҷунбии дигар бо иқтидори 5,7 балл дар вилояти Шинҷони Чин сабт шудааст.
Ва зилзиланигорони амрикоӣ соати дувоздаҳуним як зилзилаи панҷбаллиро дар айни минтақа дар вилояти Ӯши Қирғизистон сабт кардаанд.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста