Сокинони деҳаи Оқсойи вилояти Ботканди Қирғизистон рӯзи 16 декабр қарибиҳои шом роҳеро бастанд, ки ҷамоати Ворухи Тоҷикистонро бо шаҳри Исфара пайваст мекунад.
Роҳ баъди он баста шуд, ки яке аз сокинони Оқсой дар бораи гум шудани аспҳояш хабар дода, ба гумонаш, гӯё онҳоро ба самти Тоҷикистон бурдаанд.
Тавре ба “Азия-Плюс” аз дастгоҳи раиси вилояти Суғд хабар доданд, аз ҳар ду ҷониб сарҳадбонон ва намояндагони ҳукуматҳои маҳаллӣ дарҳол ба ҷойи ҳодиса ҳозир шудаанд.
“Ба онҳо муяссар шуд, ки роҳро кушоянд ва мардуми аз ҳар ду тараф ҷамъомада оромона ба хонаҳояшон рафтанд. Нофаҳмии навбатӣ дар марзи Тоҷикистону Қирғизистон ин дафъа бидуни пайомади ҷиддӣ анҷом ёфт”, - илова кард ӯ.
Субҳи имрӯз роҳе, ки Исфараро бо ҷазирқаламрави Ворух пайваст мекунад, бо реҷаи муқаррарӣ фаъолият дошта, дар марзи ду кишвар издиҳоми мардум ба мушоҳида намерасад.
Қобили зикр аст, ки Тоҷикистон ва Қирғизистон 976 километр марзи муштарак доранд, ки танҳо 504 километри он аломатгузорӣ шудааст. Ҳамзамон 472 километри дигари сарҳади давлатии миёни ду кишвар номуайян боқӣ мемонад. Ин ҳолат боиси баҳсу муноқишаҳои зиёд миёни сокинони минтақаҳои наздисарҳадӣ мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста