Бар асари таркиши баллон (зарф)-и газ, ки рӯзона 25 январ дар чойхонаи “Самарқанд” воқеъ дар маркази шаҳри Панҷакент рух дод, 12 нафар осеб диданд.

Ҳамаи осебидагон дар беморхона бистарӣ шуданд, хабар медиҳад маркази матбуоти Вазорати корҳои дохилии Тоҷикистон.

Дар бораи вазъи ҳозираи солимии осебдидагон маълумот дода намешавад.

Гуфта мешавад, баллони газ бинобар риоя нагардидани қоидаҳои бехатарӣ таркидааст.

Айни замон тамоми ҳолатҳои рух додани ҳодисаи мазкур мавриди санҷишу таҳқиқ қарор дода шудааст.

Дар маълумот зикр мегардад, ки чойхонаи “Самарқанд” дар иҷораи сокини 42-солаи деҳаи Майкатаи ҷамоати Амондараи шаҳри Панҷакент Ёлқин Тиллоев қарор дорад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.