Донишҷӯи 18-сола Тимур Бекмансуров либоси ҳарбӣ дар бар субҳи 20 сентябр дар кампуси донишгоҳ аз силоҳи оташфишон тирпаронӣ карда, сипас ба бинои ҳаштуми донишгоҳ ворид мешавад.
Тавре Медуза менависад, ӯ аз силоҳи Huglu на камтар аз 30 тир холӣ кардаааст. Бар асари он донишҷӯён худро аз тиреза берун партофта, аксарият дар синфҳо худро маҳкаму кардаву сангар гирифтаанд.
Тавре Кумитаи тафтишот хабар медиҳад, бар асари тирпаронӣ 8 нафар ба ҳалокат расидаанд.
Дар Вазорати тандурустӣ зикр кардаанд, ки ин кори дасти донишҷӯи ҳамин донишгоҳ аст. Ӯро боздошт кардаанд, ҳарчанд қаблан зикр гардида буд, ки ӯ кушта шудааст, лекин ин маълумот тасдиқи худро наёфт. Дар ҷараёни боздошт ӯ муқовимати мусаллаҳона нишон дода, захм бардоштааст.
Тибқи маълумоти Mash, Тимур Бекмансуров дар риштаи ҳуқуқшиносии донишгоҳ аз рӯи ихтисоси “Ташхиси судӣ” таҳсил дошта, дар шабакаҳои иҷтимоӣ навиштае боқӣ гузоштааст, ки дар он дархост мешавад рафтори ӯро амали террористӣ нашуморанд ва ӯ узви ягон созмонҳои террористӣ нест.
Дар навиштаи ӯ чунин зикр шудааст: “Худро чашми дидан надорам, лекин ба ҳамаи касоне, ки сари роҳам меистанд, зарар расонидан мехоҳам”.
“Дар ин бора кайҳост инҷониб фикр мекардам. Солҳо сипарӣ мешуданд ва ман фаҳмидам, ки вақти он фаро расид, ки орзуямро амалӣ кунам”, - зикр мешавад дар навиштаи ӯ дар шабакаҳои иҷтимоӣ, менависад нашрияи anna-news.infо.
Ӯ муфассал дар бораи чӣ тавр аз назорати табиби руҳшинос гузаштанаш, харидани силоҳ ва омодагӣ ба ҳамла маълумот додааст.
Нахуст ӯ ба мактабе, ки қаблан дар он таҳсил мекардааст, ҳамла карданӣ буда, лекин охири моҳи март тасмимашро тағйир медиҳад. Менависад, ки “мактаб ҷойи хеле нофорамест, ки 10 дақиқаи охири ҳаёти худро дар он гузаронӣ”.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста