Дар шаҳри Панҷакент дар як даргирӣ се нафар кушта шудааст, ки яке аз онҳо донишҷӯйи литсейи касбию-техникии ин шаҳр ва ду нафари дигар акаву додар, узви як хонадон гуфта мешаванд.
Кушта шудани донишҷӯйи литсейро дар ин даргирӣ мудири ин муассиса Абдуҳалим Қодирӣ ба “Азия-Плюс” таъйид кард.
Ба гуфтаи манбаъ, ин даргирӣ дирӯз, 26-уми декабр дар рӯзи истироҳат сурат гирифтааст ва баҳси моҷаро ба литсейи онҳо марбут нест.
“Донишҷӯйи 17-солаи мо Иноятулло Ёров рӯзи ҷумъа ба зодгоҳаш деҳаи Моғиён рафта буд ва бояд рӯзи душанбе ба дарсҳо бармегашт. Дар рӯзи даргирӣ ӯ дар ҳудуди литсей қарор надошт ва далели сар задани ҳодиса барои мо маълум нест. Додситонӣ алакай таҳқиқи ҳодисаро оғоз кардааст, парвандаи шахсияшро аз литсей гирифтанд ва моро ҳам барои суҳбат даъват карданд”,-гуфт Қодирӣ.
Ба гуфтаи ӯ, ду ҷавони кушташудаи дигари ин қазия бародарон аз шаҳраки Суғдиёни шаҳри Панҷакент мебошанд. Аммо то кунун шахсияти ин ду бародар эълон нашудааст.
Вазорати корҳои дохилӣ ҳам ба “Азия-Плюс” сар задани ин ҳодисаро таъйид карда гуфт, ки додситонӣ таҳқиқи ҳодисаро оғоз намудааст.
“Мо ҳоло дар мавриди кушташудаҳои ин даргирӣ иттилоъ надорем. Додситони таҳқиқро оғоз кардааст, далелҳои ҳодиса ва шахсияти иштирокчиёни онро мушаххас мекунад. Ҷузъиёти дигарро мо баъдтар хабар медиҳем», – гуфт манбаъ аз ВКД.
Ба гуфтаи як манбаи наздик ба таҳқиқи ҳодиса, ин қазия бар сари як василаи нерудиҳандаи телефон (“зарядмонак”) миёни Иноятулло Ёров ва ду бародар сурат гирифтааст, аммо ин манбаъ аз додани ҷузъиёти дигари ҳодиса худдорӣ кард.
Ба гуфтаи манбаъи дигар, дар ин даргирӣ наздик ба 10 нафар ширкат кардаанд, ки ба ҷуз кушташудаҳо захмиён низ ҳастанд. Бархе аз иштирокчиёни ҳодиса боздошт шудаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста