Фарҳод Раззоқов, бостоншиноси ҷавони тоҷик ва мудири кафедраи таърихи умумии Донишгоҳи славянии Тоҷикистону Русия бар пайя як сдамақи нақлиётӣ дар шоҳроҳи Айнӣ-Панҷакент ба ҳалокат расидааст. Дар ин бора наздиконаш дар шабакаҳои иҷтимоӣ хабар додаанд.
Ин ҳодиса, дирӯз, 30-юми январ иттифоқ афтодааст. Маросими ҷанозаи ӯ, имрӯз дар зодгоҳаш деҳаи Марғедари шаҳри Панҷакент баргузор мешавад.
Кумитаи ҳолатҳои фавқулода дар як хабарнома ин садамаи нақлиётиро хеле мудҳиш ёд карда, гуфтааст, ки ҳангоми ҳаракат дар қисмати километи 78-уми роҳи Аёнӣ-Панҷакент, ҳангоми ҳаракат аз маркази Панҷакент ба самти ноҳияи Айнӣ мошини «Mercedes-Benz» ба чуқурии 300 метр сарозер шудааст.
Фарҳод Раззоқов, фарзанди бостоншиноси шинохтаи тоҷик Абдурауф Раззоқов буд, ки дар кишварҳои Олмону Русия омӯзиш дида буд.
Ӯ номзади илмҳои таърих буд, ки рисолаи номзадияшро чанд сол пеш дар Санкт-Петербурги Русия дифоъ карда буд. Раззоқов яке аз бостоншиноси маъруфи кишвар дар доираҳои илмии Тоҷикистон ва хориҷи кишвар эътироф мешуд.
Фарҳод Роззоқов 8 моҳ дар Бритониё қарор дошт ва ҳамагӣ чанд рӯз пеш ба Тоҷикистон баргашта буд ва бо нияти дидани хонавода ва фарзандонаш ба Панҷакент сафар дошт, ки дар роҳ дучори садама шуд.
Бархе аз ҳамтоёнаш саҳми ин донишманди ҷавонро дар ковишҳову ҳафриёти бостоншиносӣ дар пойгоҳи бостоншиносии Саразм назаррас арзёбӣ мекунанд.
Хуршед Фозилов, хабарнигори маҳаллӣ дар Фейсбук навиштааст, ки "мудири пойгоҳи бостоншиносии Саразм Норинисо Худоёрова, марги нобаҳангоми Фарҳод Раззоқовро як талафоти бузург дар илми бостоншиносӣ арзёбӣ кард".
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
Кулли ахбор
Авторизуйтесь, пожалуйста