Моҷарои шаби 31 декабри соли 2021 байни сардори ШВКД ноҳияи Ҷайҳун ва раиси Суди ин ноҳия рух додааст. Дар ин бора Валӣ Воҳидов муовини прокурори вилояти Хатлон, рӯзи 3 феврал зимни нишасти матбуотии додситони вилоят хабар дод.
Қаблан гуфта мешуд, ки ин моҷаро миёни сардори ШВКД ва сардухтури ноҳия сар задааст ва сардори шуъбаи милиса ба пешонии сардухтур силоҳ гузоштааст.
“Моҷаро шаби 31 декабри соли 2021 байни сардори ШВКД Қурбоналӣ Пӯлод ва раиси Суди ноҳияи Ҷайҳун Муҳиддинзода сар задааст. Мо ҳодисаро таҳқиқ кардем ва ҳамаи маводро барои чораҷӯйӣ ба ВКД фиристодем. Натиҷаашро ба фикрам Шумо медонед, ки сардори ШВКД дар ноҳияи Ҷайҳун Қурбоналӣ Пулод аз вазифааш озод карда шуд”,- гуфт муовини додситони вилоят.
Ба суоли он ки оё вобаста ба ин ҳодиса парвандаи ҷиноятӣ оғоз шудааст ё не, муовини додситон кутоҳ гуфт “парвандаро аз ВКД пурсед”.
Ин дар ҳолест, ки қаблан расонаҳо хабар дода буданд, ки ин муноқиша байни сардори ШВКД дар ноҳияи Ҷайҳун ва сардухтури Беморхонаи марказии ин ноҳия сарзада аст.
Додситони вилояти Хатлон ба таҳқиқи моҷарои байни сардори ШВКД дар ноҳияи Ҷайҳун ва сардухтури беморхонаи марказии ин ноҳия, шуруъ кардааст, навишта буд он замон Радиои “Озодӣ”
“Озодӣ” 5 январ бо такя ба манъбааш дар мақомотҳои ҳифзи ҳуқуқ навишта буд, ки шаби 31 декабр соли 2021 моҷаро байни сардори ШВКД дар ноҳияи Ҷайҳун Қурбоналӣ Барфи ва сардухтури беморхонаи марказии ноҳия Ҳомидҷон Абдулҳамидзода сар задааст ва Қурбоналӣ Пӯлод дар пешонаи сардухтур тапончаи хизматияшро монда ва баъдан ду тир ба ҳаво задааст.
Вазири корҳои дохилии Тоҷикистон, рӯзи 3 январи соли 2022 Қурбоналӣ Пӯлодро аз вазифа озод карда ва Исроил Ғоибзодаро иҷрокунандаи вазифаи сардори ШВКД дар ноҳияи Ҷайҳун таъин шуд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста