Соли 2021 дар Тоҷикистон бар асари ҳолатҳои фавқулода 42 нафар ҳалок шуданд, хабар дод имрӯз, 9 феврал зимни нишасти матбуотӣ раиси Кумитаи ҳолатҳои фавқулода ва мудофиаи граждании ҶТ Рустам Назарзода.

Зикр шуд, ки ин нишондиҳанда дар соли 2020 ба 8 нафар баробар буд.

Дар ҳамин ҳол, ба гуфтаи вай, соли гузашта 359 ҳолати фавқулода сабт шуда, соли пешин (с.2020) ин рақам 213 ҳолатро ташкил дода буд.

Дар натиҷаи 52 офати табиӣ ба аҳолӣ ва иқтисоди кишвар ба маблағи зиёда аз 141 млн 984 сомонӣ зиёни моддӣ расидааст, ки 2,4 баробар зиёдтар нисбат ба соли 2020 (зиёда аз 58 млн сомонӣ) мебошад.

Дар шарҳи зиёдшавии маблағи зиён Рустам Назарзода зикр кард, ки ин афзоиши ҳолатҳои фавқулода дар кишвар рабт дорад.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.