Умеда Аҳадова, як сокини Душанбе, ки 23-юми март бедарак ва баъдан аз Норак пайдо шуд, дигарбора бедарак шудааст. Наздиконаш бори дигар аз мардум мехоҳанд дар пайдо кардани ӯ кӯмак кунанд.
Ин ҷавондухтар рӯзи 1 июн, соати 22-и шаб аз хона баромада бедарак шудааст. Кофтукб ва талошҳои наздиконаш то кунун натиҷае надодааст.
Самирҷон, писари холаи Умеда дар суҳбат ба «Азия-Плюс» гуфт, ки се рӯз мешавад, ки кофтукоби онҳо натиҷае надодааст. Ҳоло намедонанд, ки духтари холааш дар куҷо ва дар чӣ шароите қарор дорад. Самирҷон мегӯяд, аз бедарак шудани Умеда нигарон аст, чун ӯ гирифтори бемории руҳӣ мебошад.
Ба гуфтаи ин ҷавон, Умеда ҳамроҳи модараш танҳо зиндагӣ мекунад ва ҳамеша зери назорат аст, вале баъзан аз фурсат истифода бурда аз хона танҳо берун мешавад.
Ӯ гуфт, ки шаби 1-уми июн низ аз хоб будани модараш истифода бурда,берун баромадааст.
«Вақте Умеда мебинад модараш алакай хоб аст калиди хонаро, ки модараш дарро қулф карда дар даст гирифтааст, ба оҳистаги гирифта дарро мекушояд ва бозпас калидро дар назди модараш мегузорад. Модараш баъди муддате бедор мешавад, мебинад калидҳо дар наздашан, вале духтараш нест. Ӯ духтарашро садо мекунад, вале ҷавоб намегирад. Дарҳол ба назди дар меравад, ки дар бо калид кушода шудааст ва Умеда дар хона нест», - қисса кард Самирҷон.
Ин ҷавон мегӯяд, ки баъди нашри хабари бедарак шудани Умеда дар шабакаиҳои иҷтимоӣ, ронандаи таксие ба онҳо тамос гирифта гуфтааст, ки ҷавондухтаро дар маҳаллаи 84-и пойтахт дидааст ва ӯ ба шаҳри Ваҳдат равона будааст.
«Ронандаи таксӣ занг зада гуфт, ки Умеда гуфтааст, ки бояд ба хонаи дугонааш ба Ваҳдат меравад ва баъдан ҳамроҳ ба маъракае мераванд».
Аммо Самирҷон мегӯяд, ҳоло аз ҳеҷ қуҷое Умедаро пайдо накардаанд. Ин хонавода ба милитсияи ноҳияи Фирдавсӣ низ ариза барои пайдо намудани Умеда навиштаанд.
Хотиррасон мекунем, ки Умеда Аҳадова, ҷавондухтари 18-сола, ки рӯзи 23 март бедарак гардида буд, ки баъдан аз шаҳри Норак пайдо гардид.
Қаблан низ хоҳарбузурги Умеда гуфта буд, ки ба далели бемории руҳи доштани ҳоҳарашон ин бори аввал нест, ки ӯ бедарак мешавад. Ӯ гуфт, ки як маротибаи дигар низ ҳамроҳи бародарзодаи хурдсолаш гум шуда буд, ки баъдан милитсия онҳоро аз шаҳри Ваҳдат пайдо кард.
Наздиконаш аз ҳама касоне, ки маълумоте дар бораи Умеда доранд, хоҳиш мекунанд, ки бо ин рақам тамос бигиранд: (+992) 901720100
Дар Telegram, Facebook, Instagram, OK ва ВК бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста