Душанбе. 18-уми июл. ОИ «Азия-Плюс» - Имрӯз дар Додгоҳи Олии Тоҷикистон баррасии парвандаи ҷиноии ду нафар шаҳрвандони ҷумҳурӣ, ки дар куштори рӯзноманигори рус Илёс Шурпоев гумонбар дониста мешаванд, шурӯъ мегардад.
Аз Додгоҳи Олии ҷумҳурӣ ба ОИ «Азия-Плюс» хабар доданд, ки мурофиаи додгоҳӣ кушод буда, бо иҷозати раисикунанда рӯзноманигорон метавонанд дар он иштирок кунанд. «Мурофиаи додгоҳӣ бо забонҳои русиву тоҷикӣ сурат мегирад, зеро маводи асосии таҳқиқоти ҷиноят аз ҷониби Кумитаи тафтишотии Додситонии кулли Русия бо забони русӣ таҳия шудааст, - изҳор дошт сарчашма. - Ҳамзамон ду нафар айбдоршудагони қатли рӯзноманигори рус Масрурҷон Ятимови 25-сола ва Наҷмиддин Муҳиддинови 20-сола муддати тӯлони дар Русия ба сар бурдаанд ва забони русиро хуб медонанд». Аз Додгоҳ инчунин итттилоъ доданд, ки ҷиҳати иштирок дар мурофиа бародари рӯзноманигори фавтида низ даъват карда шудааст, вале алҳол маълум нест, ки ӯ меояд ё на.
Ёдрас мекунем, ки хабарнигори шабакаи аввали телевизиони Русия Илёс Шурпоев 21-уми марти соли равон дар манзили зисти иҷораааш дар шимолу шарқии Маскав кушта шуд. Мақомоти тафтишотии Русия дарҳол дар содир намудани ин ҷиноят даст доштани шаҳрвандони Тоҷикистон Масрурҷон Ятимов ва Наҷмиддин Муҳиддиновро ошкор сохтанд, ки ҳамагӣ як рӯз баъд аз қатли Шӯрпоев тавассути ҳавопаймо ба Тоҷикистон фирор кардаанд.
Намояндагони мақомоти ҳифзи ҳуқуқи Русия 29-уми март ба шаҳри Душанбе омада, дар ҳамдастӣ бо ҳамтоёни тоҷик худи ҳамон рӯз нафарони гумонбаршударо боздошт карданд. Ҳангоми тафтиш аз онҳо далелҳои шайъӣ - 150 ҳазор рубли русӣ, соати тиллоии хабарнигори марҳум, ноутбук ва телефони мобилӣ дарёфт ва мусодира карда шуд. Гумонбаршудагон даст доштани худро ба содир намудани ин ҷиноят комилан эътироф карданд. Гумонбаршудаи асосӣ М.Ятимов ба мақомоти ҳифзи ҳуқуқи Русия бегона нест. Ӯ соли 2005 ба гумони даст доштан дар дузд
ӣ
дар мавзеи Железнодорожнии Русия маҳкум ба зиндон гардидааст ва тобистони соли 2007 пеш аз мӯҳлат аз маҳбас озод шуда буд.
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
Кулли ахбор
Авторизуйтесь, пожалуйста