Имрӯз, 1 июл президенти Тоҷикистон Эмомалӣ Раҳмон вазири мудофиаи миллии Туркия Хулусӣ Акарро ба ҳузур пазируфт.
Бино ба иттилои хадамоти матбуоти сарвари давлат, дар мулоқот густариш ва таҳкими бештари робитаҳои байни ду кишвар дар соҳаҳои мухталифи мавриди таваҷҷуҳи тарафайн ва ҳамкории ниҳодҳои мудофиавии ду кишвар, мавриди баррасӣ қарор дода шуд.
“Зимни баррасии масъалаҳои таъмини амнияти минтақавӣ ҷонибҳо ба роҳ мондани робитаҳои муштаракро дар мубориза бар зидди хатару таҳдидҳои муосир ва таҳкими минбаъдаи ҳамкорӣ дар ин самт, зарур шумурданд, иттилоъ медиҳад хадамоти матбуоти сарвари давлат. - Дар робита ба ташаннуҷи вазъи амниятӣ ва фаъолшавии гурӯҳҳои ифротию террористӣ дар минтақаҳои мухталифи ҷаҳон, таъкид гардид, ки дар ин ҷода зарурати муттаҳидии талошҳои ҷомеаи ҷаҳонӣ дар муқовимат ба онҳо тақозо мегардад.
Дар рафти мулоқот ба таври миёни ҷонибҳо атрофи вазъи имрӯзаи ташвишовари Афғонистон мубодилаи афкори муфассал сурат гирифт. Дар ин зимн қайд гардид, ки дарёфти роҳҳои сулҳомези қазияи Афғонистон ҷавобгӯи манфиатҳои кишварҳои минтақа мебошад.
Тавре АМИТ “Ховар” хабар медиҳад, зимни нишасти матбуотӣ вазири турк изҳор доштааст, ки “ба Эмомалӣ Раҳмон дар бораи нияти президенти Туркия вобаста ба анҷом додани сафар дар ояндаи наздик ба Тоҷикистон хабар додам”.
“Мо Тоҷикистонро ҳамчун кишвари дӯсту бародар ва шарики муҳим дар минтақаи Осиёи Марказӣ меҳисобем. Ҳарду кишвар арзишҳои умумӣ доранд, ки яке аз онҳо асари безаволи Мавлоно Ҷалолиддин Румӣ мебошад, ки мардумони мо имрӯз аз он баҳра бурда истодаанд», — гуфтааст вазири мудофиаи миллии Туркия.
Хулусӣ Акар рӯзи 29 июн, замоне, ки президенти Қирғизистон бо сафари расмӣ дар Тоҷикистон қарор дошт, дар Қирғизистон ҳузур дошт ва ҳайати ҳарбии ин кишварро роҳбарӣ мекард. Дар он ҷо ӯ бо ҳамтои қирғизаш вохӯрда, масоили ҳамкориҳои дуҷонибаро дар соҳаи ҳарбӣ ва саноати ҳарбӣ, инчунин масъалаи ҳамкориро дар мубориза бо ташкилоти FETO баррасӣ карданд. Рӯзи дигар, 30 июн ӯ бо президенти Қирғизистон Садир Жапаров вохӯрд.
Бино ба маълумоти ВАО-и Қирғизистон, Хулусӣ Акар таманниёти неки президенти Туркия Реҷеп Тайип Эрдуғонро ба президенти Қирғизистон расонидааст. Ӯ таъкид доштааст, ки ҷониби Туркия ҳамеша ба ҳалли ҳамаи масъалаҳои мавҷуда ва дар тамоси доимӣ будан бо Вазорати мудофиаи Қирғизистон омода мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста