Раиси Думаи Давлатии Русия Вячеслав Володин ва президенти Тоҷикистон Эмомалӣ Раҳмон имрӯз дар Душанбе масоили ҳамкории дуҷониба ва рушди муносибатҳо байни Русия ва Тоҷикистонро баррасӣ карданд.
Володин изҳор дошт, ки “парлумонҳои ҳар ду кишвар барои таъмини қарорҳо аз лиҳози қонунгузорӣ, ки дар сатҳи сарони давлатҳои қабул шудааст, кӯшиш ба харҷ медиҳанд”, хабар дода мешавад дар сомонаи Думаи Давлатӣ.
Вячеслав Володин ҳамчунин паёму дуруди президенти Русия Владимир Путинро бо орзуву таманниёти нек ба Эмомалӣ Раҳмон расонид.
Ҷонибҳо инчунин нақши Созмони Аҳдномаи амнияти дастаҷамъӣ (СААД) ва Ассамблеяи парлумонии Созмонро дар ҳалли масоили таъмини амнияти кишварҳои аъзо ва масоили марбут ба тартиб додани рӯйхти ягонаи созмонҳои террористиро баррасӣ намуданд.
Гуфта мешавад, сафари кории Вячеслав Володин имрӯз, 1 июл оғоз гардида, ӯ шоми дер ба Душанбе омадааст.
Ҳайати Думаи Давлатӣ таҳти роҳбарии ӯ дар ҷаласаи Шӯрои Ассамблеяи парлумонии СААД иштирок мекунад.
Субҳи барвақти имрӯз Вячеслав Володин ба пояи муҷассамаи Исмоили Сомонӣ дар шаҳри Душанбе гулчанбар гузошт.
Ғайр аз ин,дидору гуфтушунидҳои дуҷонибаи ӯ бо раиси Маҷлиси миллӣ (палатаи болоӣ)-и Маҷлиси Олии Тоҷикистон Рустами Эмомалӣ ва раиси Маҷлиси намояндагони (Вулуси Ҷиргаи) Шӯрои миллии Афғонистон Мир Раҳмон Раҳмонӣ, ки дар Душанбе қарор дорад, дар назар аст.
Дар ҳамин ҳол, имрӯз президенти Тоҷикистон Эмомалӣ Раҳмон роҳбарони ҳайатҳо - иштирокчиёни ҷаласаи Шӯрои Ассамблеяи Парлумонии Созмони Аҳдномаи амнияти дастҷамъиро ба ҳузур пазируфт.
Тавре хадамоти матбуоти сарвари давлат хабар медиҳад, дар ҷараёни мулоқот масъалаҳои таъмини самаранокии ҳамкорӣ дар тамоми самтҳои мубрами фаъолияти ҳарбӣ-сиёсии Созмон, аз ҷумла соҳаи мудофиа ва амният, мавриди баррасӣ қарор дода шуд.
Зимни мулоқот ҷиҳати мубориза бар зидди фаъолияти харобиовари нерӯҳои террористӣ, оқибатҳои экстремизм, радикализм ва ҷинояткории муташаккилонаи фаромиллӣ, аз ҷумла гардиши ғайриқонунии маводи мухаддир ва киберҷинояткорӣ, муттаҳид сохтани саъю кӯшиш ва ҳамоҳангсозии наздики амалҳои сохторҳои махсусгардонидашудаи давлатҳо барои муқовимати самарабахш ба ин хатару таҳдидҳо зарур шумурда шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
ВАО: Сафорати Тоҷикистон дар Русия доир ба тафтиши ҳамла ба “Крокус” изҳори назар намекунад
Муҳаққиқи тоҷик пешниҳод кард, ки 15 апрел Рӯзи Айнӣ эълон шавад
Ҳабси шаҳрванди Тоҷикистон дар Твер ба гумони қайди қалбакии иштирокчиёни парвандаи “Крокус”
Футболбозони ҷавони тоҷик Ҷоми Осиёро бо бохт оғоз карданд
Ҳамаи коргарони “Крокус”-ро ба даст доштан дар амали террористӣ месанҷанд
Кулли ахбор
Авторизуйтесь, пожалуйста