Маршал Дӯстум пас аз муддатҳо хомӯшӣ дар пасманзари Эъломияи "Шӯрои олии муқовимати миллии Ҷумҳурии исломии Афғонистон" дар Твиттераш навиштааст, ки агар Толибон эҷоди ҳукумат бо роҳи интихоботиро рад кунанд, Шӯро бар зиддашон мубориза хоҳад бурд.
"Дар сурате, ки ба паёми сулҳ ва қатъи ҷанг посухи мусбат дода нашавад ва гурӯҳи Толибон аз пазириши ҳуқуқи миллиятҳои бузурги Афғонистон ва ҳуқуқи занон имтино варзанд ва мардумсолориву эҷоди ҳукумати мубтанӣ ба интихоботро рад кунанд, мо барои ба курсӣ нишондани ҳуқуқи мардум мутаъаҳҳид ба мубориза алайҳи истибдод ҳастем", - нигоштааст Маршал Дӯстум.
Ӯ навиштааст, ки "мо ҳеҷ гоҳ тарафдори ҷанг набуда ва нестем, аммо истибдод ва такравиро (инҳисоргарӣ) низ намепазирем".
Дӯстум таъкид кардааст, ки бахши аввали эъломияи Шӯрои олии муқовимати миллӣ даъват ба мусолиҳа ва поён додан ба ҷанги 40-солаи Афғонистон аст.
"Ин дар воқеъ як рафъи масулият низ аст, то фардо касоне чашм баста моро муттаҳам ба шурӯъи ҷанг накунанд",- афзудааст оқои Дӯстум.
Ин дар ҳолест, ки Маршал Дӯстум қабл аз даргириҳову ҳарҷу марҷҳо ва суқути Кобул хитоб ба Толибон намуда гуфта буд, ки агар ба қаламрави вай ҳамлае сурат бигирад ҳамаашонро несту нобуд мекунад ва ӯро барои наслкушӣ муттаҳам накунанд.
Вай дар идомаи паёмаш муқовиматгарони Панҷшер, Андароб ва Каписоро "фарзандони ростини кишвар" ном бурда, ба онҳо изҳори сипос намудааст.
Ёдовар мешавем, ки "Шӯрои олии муқовимати миллии Ҷумҳури исломии Афғонистон” бо ҳузури чеҳраҳои сиёсӣ чун Абдураб Расули Сайёф, Муҳаммадюнус Қонунӣ, Ато Муҳаммади Нур, Абдурашиди Дӯстум, Муҳаммад Муҳаққиқ ва чанде шахсиятҳои сиёсии дигар эъломи мавҷудият кард.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Кулли ахбор
Авторизуйтесь, пожалуйста