Бар асоии иттилои дарёфтии "Азия-Плюс" имрӯз дар бархе аз ниҳодҳои давлатӣ тағйироти кадрӣ сурат гирифтааст. Бар пайи ин тағйирот Икром Субҳонзода аз мақоми мудири Оҷонсии ҳавонавардии шаҳрвандии Тоҷикистон барканор шудааст.

Як манбаи "Азия - Плюс" дар Вазорати маориф ва илми Тоҷикистон гуфт, ки Субҳонзода бо фармони президент мудири Агнетии давлатии назорат дар соҳаи маориф ва илм таъин шудааст. Аммо ҳоло маълум нест, ки ба ҷойи Субҳонзода кӣ мудири Оҷонсии ҳавонавардии шаҳрвандии Тоҷикистон таъин шудааст.

Икрон Субҳонзода дар гузашта ҳам дар Вазорати маориф ва илми кишвар кор мекард.

Раиси пешини Оҷонсии давлатии назорат дар соҳаи маориф Шоҳин Саидзода, писари вазири собиқи маорифи Тоҷикистон Нуриддин Саид буд, ки 21-уми феврал аз мақомаш барканор шуда буд.

Ҳамчунин бар пайи тағйироти имрӯз, Зубайдулло Абдулзода муовини вазири маориф ва илми Тоҷикистон таъин шудааст.  Абдуллозода то ин дам мудири Литсейи шумораи 1-и Душанбе буд. 

Бо қарорҳои дигари раиси ҳукумати Тоҷикистон Аюб Усмонзода, ректори Донишгоҳи давлатии Хуҷанд ба номи академик Ғафуров, Сарвар Қурбониён, муовини вазири молия ва Нигина Абдураҳмонзода, директори Агентии рушди бозори қоғазҳои қиматнок ва бақайдгирии махсусгардонидашудаи Вазорати молияи Ҷумҳурии Тоҷикистон таъин шуданд.

Дар TelegramFacebookInstagramOK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.