Эрлан Абдилдаев сафири Қирғизистон дар Тоҷикистон таъин шудааст. Ду моҳ пештар, дар оғози моҳи феврал Жаниш Рустенбеков, сафири ин кишвар дар Тоҷикистон аз мақом барканор шуда буд.
Расонаҳои қирғиз, зӯҳри имрӯз, 12-уми апрел хабар доданд, ки раисҷумҳури ин кишвар Содир Ҷабборов бо судури як фармон Эрлан Абдилдаевро сафири нави Қирғизистон дар Тоҷикистон таъин кардааст.
Абдилдаев қаблан сафири Қирғизистон дар Олмон ва вазири корҳои хориҷии кишвараш буд ва 56 сол дорад. Ӯ соли 1966 дар Алма-Ато зода шуда, миллаташ қирғиз мебошад ва забонҳои қирғизӣ, русӣ, чинӣ ва англисиро медонад.
Рӯзи 2-уми феврал Қирғизистон сафираш дар Тоҷикистон Жаниш Рустенбековро аз ин мақом бозхон кард, вале сабаби барканории ӯ гуфта нашуд. Рустенбеков аз моҳи декабри соли 2018 то оғози моҳи феврали имсол сафири Ҷумҳурии Қирғизистон дар Тоҷикистон буд.
Қаблан хабаргузории 24.kg. навишта буд, ки “моҳи майи соли гузашта кумитаи профилии Жогорку Кенеш ба ӯ изҳори нобоварӣ карда буд. Аммо бо вуҷуди ин, дипломат бозхонда нашудааст”.
Ӯ дар ҳоле аз мақом барканор шуда буд, ки Тоҷикистону Қирғизистон ду кишвари ҳамсоя давоми як соли ахир дар робита ба ҳаводиси марзӣ муносибати хуб надоранд. Охири моҳи апрели соли гузашта дар марзи ду кишвар муноқишае сар зад, ки оқибат ба хун печид ва аз ду ҷониб даҳҳо захмиву кушта шуданд. Ва ин ҳодиса боз шаби 27-уми январи имсол ва чанд рӯз пеш аз барканонии Жаниш Рустенбеков ба вуқӯъ пайваст.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста