Президенти Тоҷикистон Эмомалӣ Раҳмон рӯзи 21 январ зимни ҷаласаи ҷамъбасти соли гузаштаи ҳукумат аз роҳбарони ширкати ҳавопаймоии “Тоҷик Эйр” ва “Амонатбонк” дархост намуд, ки толорро тарк кунанд, хабар дод ба “Азия-Плюс” як манбаи огаҳ дар ҳукумати ҷумҳурӣ.
Баъди шунидани ҳисоботи раиси БДА “Амонатбонк” Руҳулло Ҳакимзода ва роҳбари ширкати миллии ҳавопаймоии “Тоҷик Эйр” Хайрулло Раҳимов дар бораи фаъолияти ниҳоди зертобеъашон дар соли 2018, Эмомалӣ Раҳмон ҳардуро мавриди интиқоди шадид қарор дода, дархост намудааст, ки фавран толорро тарк намоянд.
Дар ҳамин ҳол, хадамоти матбуоти Сарвари давлат дар маълумоти интишоршуда доир ба ҷаласаи мазкур мухтасар хабар медиҳад, ки ҳисоботи роҳбарони “Амонатбонк” ва ширкати “Тоҷик Эйр” шунида шуда, аммо дар бораи интиқоди шадиди президент нисбати Ҳакимзода ва Раҳимов ишора нашудааст.
Фармонҳои президент дар бораи аз мансаб сабукдӯш шудани Руҳулло Ҳакимзода ва Хайрулло Раҳимов алҳол нашр нашуда, лекин ин рафтори Сарвари давлат маънои онро дорад, ки роҳбарони “Амонатбонк” ва “Тоҷик Эйр” аз курсиҳояшон маҳрум шуданд.
Ҳакимзода Руҳулло 13 майи соли 2015 бо фармони президент раиси БДА “Амонатбонк” таъин шуд. То ин таъинот ӯ ба ҳайси муовини аввали ин бонк фаъолият дошт.
Хайрулло Раҳимов санаи 27 январи соли 2016 ба мансаби директори генералии ширкати ҳавопайоии “Тоҷик Эйр” таъин гардида буд.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Кулли ахбор
Авторизуйтесь, пожалуйста