Минбаъд дар Тоҷикистон касоне, ки қаблан барои дидаву дониста содир намудани ин ё он ҷиноят маҳкум шудаанд, ба хизмати давлатӣ ба кор қабул намешаванд.
Палатаи поёнии парлумон имрӯз тағйироту иловаҳои аз ҷониби ҳукумат пешниҳодшударо ба қонун “Дар бораи хизмати давлатӣ” қабул кард.
Дар ҷаласаи парлумон роҳбари Агентии хизмати давлатии назди президент Ҷумъа Давлатов дар ин робита изҳор намуд, ки дар тағйироту иловаҳо манъи қабули шахсоне, ки қаблан дидаву дониста ин ё он ҷиноятро содир намуда, маҳкум шудаанд, пешбинӣ шудааст.
Бино ба гуфтаи ӯ, ин тағйирот ба шахсоне, ки аз беэҳтиётӣ ҷиноят содир намудаанд, аз ҷумла садамаи нақлиёт, куштани одам аз беэҳтиётӣ, дахл нахоҳанд дошт.
Тибқи маълумоти Агентии хизмати давлатии ҷумҳурӣ, айни замон наздики 20 ҳазор нафар шаҳрвандони Тоҷикистон хизматчиёни давлатӣ мебошанд.
Қобили зикр аст, ки соли 2015 чунин тағйирот ба қонун “Дар бораи адвокатура” низ қабул шуда буд. Мувофиқи он, шахси маҳкумшуда барои содир намудани ҷиноят, ки аз мақомоти давлатӣ, мақомоти ҳифзи ҳуқуқ, хизмати ҳарбӣ барои риоя накардани савганди касбӣ, ҷиноятҳои коррупсионӣ аз кор озод шудааст, наметавонад ба фаъолияти адвокатӣ машғул шавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста