Шоми рӯзи 10-уми сентябр президенти кишвар Эмомалӣ Раҳмон дар Кӯлоб як қатор иншоотро мавриди истифода қарор дод.
Бино ба иттилои хадамоти матбуоти сарвари давлат, Президент аз Боғи марказии фарҳангӣ-фароғатии шаҳри Кӯлоб ба номи Мир Сайид Алии Ҳамадонӣ боздид ба амал овард, ки дар майдони 9 гектар ҷойгир шудааст.
Боғ ҳамчунин аз он лиҳоз ҷолиб аст, ки дар он акнун Манораи Эйфел мавҷуд аст.
Сипас бо ҳузури Эмомалӣ Раҳмон дар шафати истгоҳи роҳи оҳани шаҳри Кӯлоб боғи фарҳангию фароғатии Хуталон мавриди истифода қарор гирифт.
Гуфта мешавад, оғози корҳои азнавсозию барқароркунӣ дар боғи мазкур моҳи феврали 2019 оғоз гардида, моҳи сентябри 2019 бо сифати баланд ва тарҳи зебою муосир аз ҷониби КВД Роҳи оҳани Тоҷикистон ба анҷом расидааст. Майдони боғ 5 гектарро ташкил медиҳад.
Ҳамчунин дар кӯчаи Шамсиддин Шоҳини шаҳри Кӯлоб боғи фарҳангию фароғатии ба номи Сайдалӣ Вализода мавриди баҳрабардорӣ қарор гирифт. Боғ дар масоҳати беш аз 3 гектар замин бунёд гардида, масоҳати 1,2 гектари боғ пурра сабзкорӣ шудааст. Дар атроф ва дохили сабзазор беш аз 150 ҳазор гулҳои мавсимию ороишӣ ва 300 бех арчаҳои гуногун шинонида шудаанд.
Эмомалӣ Раҳмон ҳамчунин дар маркази шаҳр гулгашти ба номи Сафар Амиршоевро мавриди истифода қарор дод. Макони истироҳатӣ аз ҷониби Кумитаи андози ва Вазорати молия бунёд гардида, он дар масоҳати умумии 3 гектар доман густурдааст. Дарозии гулгашт 750 ва паҳноиаш 45 метр мебошад.
То ташриф ба Кӯлоб Эмомалӣ Раҳмон аз ноҳияи Восеъ боздид намуд. Дар ин ҷо бо гузоштани санги асос ба сохтмони роҳи автомобилгарди қитъаи Ҳулбук-Темурмалик-Кангурт расман оғоз бахшида шуд.
Масофаи умумии ин қитъаи роҳ 60 километр ва паҳноии он аз 7 то 12 метрро ташкил медиҳад. Мутобиқ ба лоиҳа дар ин масир корҳои тахту ҳамворкунӣ, гузоштани 25 қубури обгузар, сохтмони ҷӯйборҳои бетонӣ дар ду канори роҳ, бунёди пойдеворҳои муҳофизатӣ 8 пули мошингузар, кашидани хатҳои уфуқӣ, аломати роҳ ва сохтмони дигар иншооти зарурӣ пешбинӣ гардидааст.
Роҳи мазкур бо саҳми Ҳукумати Ҷумҳурии Тоҷикистон ва Бонки рушди Осиё таъмиру навсозӣ мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Кулли ахбор
Авторизуйтесь, пожалуйста