Рӯзи 30-юми сентябр таҳти раёсати Эмомалӣ Раҳмон маҷлиси навбатии ҳукумати Тоҷикистон баргузор шуд.
Бино ба иттилои хадамоти матбуоти сарвари давлат, дар кори маҷлис нахуст дар бораи “Барномаи пешгирии фарбеҳӣ ва ташаккули ғизои солим дар Ҷумҳурии Тоҷикистон барои солҳои 2019-2024” гузориши вазири тандурустӣ ва ҳифзи иҷтимоии аҳолӣ Насим Олимзода шунида шуд.
Зарурати таҳияи лоиҳаи қарори мазкур афзоиши бемориҳои ғайрисироятӣ мебошад, зеро фарбеҳӣ аз ҷиҳати фавту маъюбӣ дар ҷойи намоён меистад.
“Таҳлилҳо нишон медиҳанд, ки тайи солҳои охир кам истеъмол намудани нахҳои ғизоӣ ва зиёд истеъмол кардани хӯрокҳои тезтайёру чарбдор, нӯшокиҳои газноки ширин, қандҳои оддӣ ва намак ба сатҳи инкишофи бемориҳои музмини ғайрисироятӣ мусоидат кардааст”, - омадааст дар хабари хадамоти матбуоти сарвари давлат.
Эмомалӣ Раҳмон супориш дод, ки барои омӯзиш, пешгирӣ ва табобати фарбеҳӣ дар доираи “Стратегияи оид ба ғизо ва фаъолияти ҷисмонӣ дар Тоҷикистон барои солҳои 2015-2024” тадбирҳои мушаххас андешида шавад.
Сипас аъзои ҳукумати кишвар 16 хулосаи ҳукумати Тоҷикистон, аз ҷумла, Дар бораи пешниҳоди хулосаҳои ҳукумати ҶТ ба лоиҳаҳои Қонуни конститутсионии ҶТ “Оид ба ворид намудани тағйиру иловаҳо ба Қонуни конститутсионии ҶТ “Дар бораи мақомоти маҳаллии ҳокимияти давлатӣ”, Қонуни конститутсионии ҶТ “Оид ба ворид намудани тағйиру иловаҳо ба Қонуни конститутсионии ҶТ “Дар бораи интихоботи вакилон ба Маҷлиси маҳаллии вакилони халқ”, Қонуни ҶТ “Оид ба ворид намудани тағйиру иловаҳо ба Қонуни ҶТ “Дар бораи хизмати давлатӣ”, ба лоиҳаи Қонуни ҶТ “Дар бораи телевизион ва радио” ва ба лоиҳаи Қонуни ҶТ “Дар бораи ниҳолпарварӣ”-ро муҳокима ва барои баррасӣ ба Маҷлиси намояндагони Маҷлиси Олии Тоҷикистон ирсол карданд.
Дар маҷлис инчунин масъалаҳо дар бораи лоиҳаи Кодексҳои нақлиёти автомобилӣ ва оби ҶТ, Стратегияи миллии мутобиқшавӣ ба тағйирёбии иқлими ҶТ барои давраи то соли 2030 ва низомномаи минтақаи озоди иқтисодии “Кӯлоб” баррасӣ шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста