Дар парлумони тозаинтихоби ҷумҳурӣ Ҳизби аграрӣ ва Ҳизби ислоҳоти иқтисодӣ дар баробари Ҳизби халқии демократии Тоҷикистон фраксияҳои худро таъсис медиҳанд.
Тавре ба “Азия-Плюс” раиси Ҳизби аграрии Тоҷикистон Рустам Латифзода хабар дод, дар парлумони нав ин ҳизб соҳиби 7 курсии вакилӣ шуд.
Ба гуфтаи ӯ, 4 нафар аъзои ҳизб тибқи рӯйхати ҳизбӣ интихоб шуда, 3 нафари дигар дар ҳавзаҳои якмандатии интихоботӣ аксари раъйи мардумро ба даст оварданд.
“Ба ғайр аз рӯйхати ҳизбӣ, номзадҳои пешбарикардаи мо дар ҳавзаҳои якмандатии интихоботии Восеъ, Спитамен ва Ӯрунхоҷаев ғолиб дониста шуданд”, - иброз дошт ӯ.
Вай афзуд, мувофиқи меъёрҳои қонунгузории Тоҷикистон, аҳзоби сиёсие, ки на камтар аз 5 курсии вакилиро ишғол мекунанд, дар парлумон фраксияҳои худро ташкил карда метавонанд.
Латифзода таъкид дошт, ки дар парлумони даъвати пешина Ҳизби аграриро 5 вакил намояндагӣ мекарданд.
Ба ҷуз Ҳизби аграрӣ, дар парлумони нав бори нахуст дар таърихи худ Ҳизби ислоҳоти иқтисодии Тоҷикистон низ фраксияи худро таъсис медиҳад.
Раиси ҳизб Рустам Қудратов дар мусоҳиба ба “Азия-Плюс” изҳор дошт, ки 4 нафар аъзои ҳизб тибқи рӯйхати ҳизбӣ дар ҳавзаи ягонаи умумиҷумҳуриявӣ ба парлумон роҳ ёфта, 1 намояндаи ҳизб дар ҳавзаи якмандатии интихоботии Бохтар пирӯзӣ ба даст овардааст.
Дар парлумони даъвати пешина Ҳизби ислоҳоти иқтисодӣ 3 курсии вакилӣ дошт.
Бино ба маълумоти КМИР Тоҷикистон, наздики 47 курсии вакилиро дар интихобот ба палатаи поёнии парлумон аъзо ва номзадҳои пешбаришудаи Ҳизби халқии демократии Тоҷикистон ишғол карданд.
Ҳамчунин 2 намояндаи Ҳизби коммунист ва 1-тогӣ намояндагони Ҳизби демократ ва Ҳизби сотсиалистии Тоҷикистон ба ҳайати парлумони нав роҳ ёфтанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста