Танҳо дар моҳи май теъдоди озмоишгоҳҳои вирусологӣ дар шаҳри Душанбе аз як ба чаҳор адад расонида шуд. Ин имкон дод, ки дар ин муддат қариб 15 600 нафар шаҳрвандон тавассути тест ташхис карда шаванд.
Ин нукта дар ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти коронавирус дар Тоҷикистон, ки таҳти раёсати сарвазири ҷумҳурӣ, раиси Ситод Қоҳир Расулзода баргузор гардид, зикр шуд.
Тавре маркази матбуоти Вазорати тандурустии ҷумҳурӣ хабар медиҳад, дар ҷаласа зикр шудааст, ки ояндаи наздик дар шаҳрҳои Хуҷанд, Бохтар ва Кӯлоб озмоишгоҳҳои вирусологӣ ба фаъолият шурӯъ мекунанд, ки бо ин мақсад 10 мутахассиси вирусолог аз курсҳои бозомӯзӣ гузаштанд.
Сарвазири мамлакат изҳор дошт, ки таҷрибаи ҷаҳонӣ нишон медиҳад, то ҳол ба ҷуз аз риояи қоидаҳои беҳдоштӣ гигиенаи шахсӣ ва ҷамъиятӣ дигар роҳи самараноки пешгирӣ кардани паҳншавиии ин вирус вуҷуд надорад. Аз ин рӯ, ситоди ҷумҳуриявӣ тамоми тадбирҳои заруриро оид ба ҷорӣ намудани чораҳои зиддиэпидемикӣ барои пешгирии пайдоиш ва паҳн нагардидани сирояти нави коронавирус андешида истодааст.
Қоҳир Расулзода ба аъзои ситоди ҷумҳуриявӣ-роҳбарони вазорату идораҳои марбутаи ҷумҳурӣ дар самти пурзӯр намудани чораҳои зиддиэпидемикӣ барои пешгирӣ аз паҳн нагардидани сирояти нави COVID-19 дар ҷумҳурӣ дастуру супоришҳои мушаххас дод.
Вазири тандурустӣ ва ҳифзи иҷтимоии аҳолии ҷумҳурӣ Ҷамолиддин Абдуллозода оид ба вазъи эпидемиологӣ ва тадбирҳои андешидашудаву банақшагирифта барои пешгирии интиқол ва паҳн нагардидани сирояти нави коронавирус дар ҷумҳурӣ гузориш дода, гуфт, ки алҳол вазъият дар самти назорат ва табобати бемории сироятии COVID-19 идорашаванда арзёбӣ гардида, ҳар рӯз шумораи беморони бистаришаванда кам ва аз беморхонаҳо ҷавобшаванда меафзояд. Ин аст, ки дар як рӯз ба ҳисоби миёна беш аз 300-400 нафар маризон аз беморхонаҳо рухсат мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста