Президенти Тоҷикистон Эмомалӣ Раҳмон сафари кории худро ба ВМКБ имрӯз аз ноҳияи Дарвоз оғоз кард.

Хадамоти матбуоти сарвари давлат дар ин хусус суратгузориши ҷолибе нашр карда, мо тасмим гирифтем, ки аз ҷараёни сафари имрӯзаи сарвари давлат мухтасар гузорише таҳия намоем.

Корхонаи “Карон-калсит”-ро ифтитоҳ кард

Нахуст дар деҳаи Вишхарв  дар ҳузури президенти мамлакат корхонаи “Карон - калсит” мавриди баҳрабардорӣ қарор дода шуд. Корхона имконият дорад, ки дар як сол 100 ҳазор тонна маҳсулот истеҳсол намояд. Корхона дар асоси ашёи хоми маҳаллӣ фаъолият намуда, он дар назди захираи бузурги санги мармари сафед, ки микрокалсит аз ин навъи санг омода мегардад, бунёд ёфтааст. Коргоҳ дорои чор хатти истеҳсолӣ буда, навъҳои гуногуни микрокалситро истеҳсол менамояд.

1/6

Ба сохтмони канали обрасон ҳусни оғоз бахшид

Дар идома Эмомалӣ Раҳмон дар мавзеи дашти Лучи ноҳияи Дарвоз барои сохтмони канали обрасон санги асос гузошт.

Зикр шуд, ки масоҳати дашт бештар аз 500 гектарро дар бар гирифта, қариб 330 гектари он қобили обёрӣ мебошад. Ин мавзеъ дар баландии 2000 метр аз сатҳи баҳр қарор дошта, канали мазкур ба шакли худҷореъ фаъолият хоҳад кард. Минтақа аз дарёчаи Хост-роғ обёрӣ гардида, дарозии канали сохташаванда 17,5 километрро дар бар мегирад.

1/3

Бо сарбозон суҳбат кард

Президент ба қисми низомии Қӯшунҳои хушкигард ташриф оварда, бо шароити хизмат дар қисми низомӣ шинос шуд. Эмомалӣ Раҳмон бо сарбозони қисми низомии мазкур суҳбати самимӣ анҷом дода, аз ҳолу аҳвол, имкониятҳои хизматии аскарӣ пурсон шуд.

“Адои хизмати Модар-Ватан қарзи имониву виҷдонии ҳар як ҷавонмард буда, бо истифода аз имконоти мусоиди фароҳамовардашуда ин масъулиятро бояд иҷро кард”, - таъкид дошт сарвари давлат.

Баъди суханронии Президенти мамлакат гузашти низомии сарбозон баргузор гардид.

1/10

Ба кӯдакони ятиму бепарастор туҳфаҳо тақдим кард

Сарвари бо 55 нафар ятими кулл ва маъюб, ки тарбиятгирандагони муассисаҳои таълимии ноҳияҳои Дарвоз, Ванҷ ва Рӯшони ВМКБ мебошанд, мулоқот намуда, ба онҳо туҳфаҳои арзишманд тақдим карданд.

1/4

Бинои нави суди ноҳияро боз кард

Бинои Суди ноҳияи Дарвоз дар доираи корҳои ободониву созандагӣ бо мақсади истиқболи сазовор аз ҷашни 30-солагии Истиқлолияти давлатии Тоҷикистон дар маркази ноҳия қомат афрохтааст. Бинои нав аз ду ошёна иборат буда, сохтмончиён иншоотро дар муддати кӯтоҳ, бо тарҳи муосир ва бо сифати баланд бунёд карданд.

1/3

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.