Муовини сарвазири Тоҷикистон, ҳамзамон роҳбари комиссияи ҷумҳуриявии ташкили даъвати тирамоҳӣ ба хизмати ҳарбӣ дар сафи Қувваҳои мусаллаҳи ҷумҳурӣ Ширин Исматуллозода рӯзи 16 сентябр ҷаласаи аввалини комиссияро баргузор намуд.
Тавре ба “Азия-Плюс” котиби матбуотии Вазорати мудофиаи кишвар Фаридун Маҳмадализода хабар дод, дар кори ҷаласа намояндагони сохторҳои марбутаи вобаста ба даъвати ҳарбӣ иштирок карданд.
Муовини сарвазир таваҷҷуҳи ҳозиринро ба масоили муоинаи тиббии хушсифати даъватшавандагон, санҷиши сатҳи саводнокии онҳо, фаъолияти мақомоти маҳаллии ҳокимият дар кори тарбияи ҳарбӣ-ватандӯстии насли наврас, роҳ надодан ба қонуншиканиҳо дар риояи ҳуқуқу озодиҳои шаҳрвандон дар маъракаи даъват ҷалб намуд.
Ӯ аз шахсон ва сохторҳои масъул талаб кард, ки дар ҷараёни даъвати тирамоҳӣ ба хизмати ҳарбӣ қонунро қатъиян риоя намуда, ба ҳолатҳои маҷбурӣ даъват кардан (облава) роҳ надиҳанд.
Маъракаи даъвати тирамоҳӣӣ ба хизмати ҳатмии ҳарбӣ дар Қувваҳои мусаллаҳи Тоҷикистон ду моҳ - октябр ва ноябр ҷараён мегирад. Ҳамасола шаҳрвандони синни аз 18 то 27-сола, ки ба таъхири муҳлати хизмат ё озод будан аз хизмати ҳарбӣ ҳуқуқ надоранд, ба хизмат даъват карда мешаванд.
Мувфиқи маълумоти Вазорати мудофиаи ҷумҳурӣ, ба хизмат дар Қувваҳои мусаллаҳи кишвар ҳамасола тақрибан 15-16 ҳазор нафар даъват мешаванд.
Тибқи маълумоти расмӣ, дар Тоҷикистон зиёда аз 600 ҳазор нафар ҷавонони синнусоли мувофиқ ба хизмати ҳарбӣ умр ба сар мебаранд, аммо ҳудуди 150 ҳазор нафари онҳо муҳлати хизматашонро мавқуф гузоштаанд ё аз хизмат озод карда шудаанд ва ё барои хизмати ҳарбӣ коршоям нестанд. Боз ҳудуди 100 ҳазор нафар шаҳрвандони синнусоли мувофиқ ба хизмати ҳарбии Тоҷикистон дар муҳоҷирати корӣ қарор доранд.
Қувваҳои мусаллаҳи Тоҷикистон аз Қӯшунҳои зудамал, хушкигард, Қувваҳои ҳарбию ҳавоӣ ва мудофиаи зиддиҳавоӣ иборатанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста