Раисиҷумҳури Тоҷикистон Эмомалӣ Раҳмон бо як сафари корӣ ба вилояти Суғд меравад. Як манбаъи наздик ба мақомҳои расмӣ ба "Азия-Плюс" гуфт, ки Эмомалӣ Раҳмон дар чорабинии бошукӯҳи ҷашни Сада ва фурӯшу муаррифии ниҳолу дарахтони ороишиву мевадеҳ, ки рӯзҳои 5-6 ва 7-уми феврал дар Қасри Арбоб доир мегардад, иштирок мекунад.
Дар назар аст, дар ин сафар раисҷумҳур дар кушодашавии чанде аз корхонаҳои истеҳсолӣ, боғҳои супер интенсивӣ дар шаҳри Хуҷанд ва чанде аз шаҳру навоҳии атрофи он иштирок кунад. Дар шаҳри Хуҷанд қарор аст бо иштироки Эмомалӣ Раҳмон се корхонаи саноатӣ ба баҳрабардорӣ супурда шавад.
Як манбаъи наздик ба Азия-Плюс аз ҳукумати Суғд гуфт, ки сафари кории раисҷумҳури Тоҷикистон Эмомалӣ Раҳмон ба вилоят аз имрӯз 2-юми феврал оғоз шуда то анҷоми ҳафта идома мекунад. Манбаъ афзуд дар доираи ин сафар кушодашавии корхонаҳои саноатӣ, бунёди боғҳои интенсивӣ ва суперинтенсивӣ ва дигар иншоот дар назар аст.
“Иди Сада, фурӯши ниҳолу гулбутаҳо, маҳсулоти кишоварзӣ дар сатҳи вилоятӣ санаҳои 5-6 ва 7-уми феврал дар Қасри Арбоб бо шукӯҳи хосе таҷлил мешавад. Дар ин ҷо тахмин 1 миллион дона дарахтони мевадиҳанда, ороишӣ ба намоиш ва фурӯш гузошта мешавад”,-мегӯяд ин манбаъ.
Эълони панҷрӯзаи роҳбандӣ дар Суғд
Дар доираи ташрифи меҳмонон ба вилояти Суғд БДА эълон намуд, ки ҳаракати ҳамагуна намуди воситаи нақлиёт дар давоми панҷ рӯзи оянда дар якчанд кӯча ва шоҳроҳҳоро муваққатан маҳдуд мекунад.
Дар эълон омадааст, ки санаи 2 феврал роҳи кӯчаҳои “Н. Ҳувайдуллоев, Б. Ғафуров, Гагарин ва Ленин”-и шаҳри Бӯстон, шоҳроҳи “Ғафуров–Хуҷанд”-и ноҳия Б. Ғафуров, кӯчаҳои И. Сомонӣ, Гагарин ва Сирдарё ва маҳаллаи Чашмаи шаҳри Хуҷанд то давраи Ором, шаҳри Хуҷанд, ҷамоати деҳоти Д. Холматов, шаҳри Гулистон ҳаракати воситаҳои нақлиёт дар соатҳои зарурӣ маҳдуд карда мешаванд.
Бино ба иттилоъи БДА инчунин санаи 3 феврал роҳи шаҳри “Гулистон, ҷамоати деҳоти Д. Холматов то бурриши Сомғор”-и ноҳияи Б. Ғафуров.
Санаи 4 феврал роҳи шаҳри Гулистон, ҷ/д Д. Холматов то давраи Ороми ноҳияи Б. Ғафуров, инчунин кӯчаҳои “Сирдарё, С. Умаров, Р. Ҷалил, И. Сомонӣ ва Р. Ҳоҷиев”-и шаҳри Хуҷанд.
Санаи 5 феврал кӯчаҳои марказии шаҳри Гулистон, шоҳроҳи Ғафуров-Хуҷанд, кӯчаи ба номи С. Ӯрунхуҷаеви ноҳияи Б. Ғафуров.
Санаи 6 феврал кӯчаҳои марказии шаҳри Гулистон, шоҳроҳи Хуҷанд-Ғафуров, кӯчаи С. Ӯрунхуҷаеви ноҳияи Б. Ғафуров.
Санаи 7 феврал ҳаркати воситаҳои нақлиёт дар кӯчаҳои марказии шаҳри Гулистон, шоҳроҳи Хуҷанд-Ғафуров, кӯчаҳои Н. Ҳувайдуллоев, Б. Ғафуров, Гагарин ва Ленини шаҳри Бӯстон, муваққатан маҳдуд карда мешаванд.
БДА-и вилояти Суғд аз ҳамаи шаҳрвандон ва ронандагони воситаи нақлиёт барои риояи ин муқаррарот хоҳиш намуда, гуфтааст, ки дар вақти зарурат ронандаҳо аз тариқи роҳу кӯчаҳои ҳамшафат метавонанд ҳаракат кунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Кулли ахбор
Авторизуйтесь, пожалуйста