Дар ҳошияи сафари расмӣ ба Туркманистон 12 май раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалиро президенти Туркманистон Сердар Бердимуҳамедов ба ҳузур пазируфт.
Бино ба иттилои дафтари матбуоти палатаи болоии парлумони ҷумҳурӣ, дар оғози мулоқот Рустами Эмомалӣ президенти тозаинтихоби Туркманистонро бинобар ба ин маснади олӣ интихоб гардиданаш табрик гуфта, аз номи президенти Тоҷикистон барои анҷом додани сафари расмӣ ба Ҷумҳурии Тоҷикистон даъват намуд. Даъват бо хушнудӣ пазируфта шуд.
Гуфта мешавад, дар мулоқот маҷмӯи доираи васеи масъалаҳои афзалиятноки ҳамкории Тоҷикистон ва Туркманистон, аз ҷумла вазъи робитаҳои тиҷоратӣ, иқтисодӣ ва гуманитарӣ баррасӣ карда шуда, зикр гардид, ки Туркманистон батадриҷ ба яке аз шарикони пешбари иқтисодии хориҷии Тоҷикистон табдил меёбад.
Зимни гуфтушунид ҳамчунин ба густариши ҳамкориҳо дар соҳаҳои энергетика ва сӯзишворӣ, нақлиёту коммуникатсия, саноату кишоварзӣ, аз ҷумла коркарди пурраи пахта то истеҳсоли маҳсулоти ниҳоӣ, инчунин маориф ва фарҳанг таваҷҷуҳ зоҳир карда шуд.
Бо мақсади мусоидат ба таҳкими робитаҳои фарҳангӣ, пешниҳод гардид, ки солҳои 2022-2023 Рӯзҳои фарҳанги Туркманистон дар Ҷумҳурии Тоҷикистон ташкил ва гузаронида шавад.
Ёдрас мекунем, ки сафари расмии раиси Маҷлиси миллии Маҷлиси Олии Тоҷикистон Рустами Эмомалӣ 11 май оғоз гардида, дар рӯзи аввали сафар ӯ бо раиси Халқ Маслиҳатии Милли Генгеши Туркманистон Гурбангулӣ Бердимуҳамедов ва раиси Маҷлиси миллии Генгеши Туркманистон Гулшат Маммедова дидору гуфтушунид кард.
Нимаи дуюми рӯзи 11 май Рустами Эмомалӣ ва ҳайати ҳамроҳони ӯ аз Масҷиди маънавиёти Туркманбошии Қипчоқи шаҳри Ашқобод ва маҷмааи байналмилалии аспиву варзишии пойтахти Туркманистон боздид намуда, бо фаъолияти муассисаи давлатии «Маҷмааи бофандагии Ашқобод» шинос шуданд.
Дар шаҳраки олимпии шаҳри Ашқобод Рустами Эмомалӣ бо ҳокими шаҳри Ашқобод Раҳим Гандимов мулоқот анҷом дода, зимни сӯҳбат доир ба дастовардҳои пойтахти Туркманистон дар соҳаҳои иқтисоду тиҷорат, рушди иҷтимоиву фарҳангӣ, бахусус пешравиҳои бахши варзишу сайёҳӣ мубодилаи афкор сурат гирифт.
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
Кулли ахбор
Авторизуйтесь, пожалуйста