Душанбе. 4-уми август. «Азия-Плюс» — | Сафорати ИМА сафари омӯзишии полиси ҷамъиятиро дар ИМА аз 14 то 24 июли соли 2011 дастгирӣ намуд. Шонздаҳ нафар шаҳрвандони Тоҷикистон аз ҷумла ҳайати роҳбарикунандаи Раёсати тартиботи ҷамъиятии Вазорати корҳои дохилӣ, ба Ню Йорк ва Массачусетс сафар карданд. Ин сафари омузишӣ дар чорчубаи лоиҳаи ҳамкории полис ва ҷомеаи Шуъбаи мубориза бо гардиши маводи мухаддир ва мақомоти ҳифзи ҳуқуқи сафорати ИМА, ки аз тарафи ҶММ Эмерҷенс Груп (TEG) иҷро мешавад, ташкил карда шуда буд.
Тавре аз сафорати ИМА дар Тоҷикистон иттилоъ доданд, ҳангоми ташриф овардан ба Шуъбаи полиси ноҳияи Нассау иштирокчиён бо кор ва фаъолияти Лигаи амалиётҳои полис ва Академияи полис барои наврасон ва ҷавонон аз наздик шинос шуданд ва роҳҳои таҳкими эътимоди байни полис ва наврасону ҷавонон ва пешгирии ҷинояткориро дар он ҷо омӯхтанд. Ҳайати намояндагони милитсия ва ҷомеа инчунин дар патрули шабона иштирок намуданд, ба шуъбаи полиси минтақавӣ ташриф оварданд ва аз баромадҳои Шуъбаи кор бо ҷомеа дар бораи роҳҳои ҳамкории онҳо бо сармоядорони маҳаллӣ баҳри муайан намудани хатарҳои терроризм, васеъ намудани робитаҳо бо ҷомеа ва шабакаҳои иттилоотӣ баҳраманд шуданд.
Нимаи дуюми сафари омузиширо шуъбаҳои полиси Массачусетс идома доданд. Дар шаҳри Ню Бедфорд ҳайати намояндагони Тоҷикистонро мири шаҳр ба ҳузур пазируфт ва барояшон кумитаи бехатарии ҷамъиятиро даъват намуд. Онҳо инчунин ба Суди наврасон ва ҷавонон дар ҳамкорӣ бо мактаби ноҳия ташриф оварданд ва дар мулокоти Иттиҳодияҳои маҳаллаҳо иштирок намуданд. Намояндагони Шабакаи бехатарии Кембриҷ тарзи кори худро бо Шуъбаи Полиси Кембриҷ баҳри беҳтар намудани муносибатҳо байни полис ва ҷавононро фаҳмонда доданд. Дар вақти сафар ба Кембриҷ ҳайати намояндагони милитсия дар патрули рузона иштирок намуданд, ба даъватҳои ба воситаи радио ҷавоб доданд ва дар машварати шуъбаи таҳлили ҷиноятӣ иштирок карданд.
Лаҳзаи хотирмони сафари омузишӣ он буд, ки ҳайати намояндагон имконияти ҳузур доштан ҳангоми намоиши эътирозии ҷамъиятиро доштанд. Аз масофаи амн намоишро мушоҳида карда иштирокчиёни сафари омузишӣ диданд, ки чӣ тавр полиси Кембриҷ бо истифодаи усулҳои пешқадами ҳамкории полис ва ҷомеа намоишгаронро идора мекарданд ва тартиби ҷамъиятиро таъмин менамуданд.
Ҳукумати ИМА омода ҳаст, ки кӯмак ва дастгирии худро баҳри беҳтар намудани қудрати мақомоти ҳифзи ҳуқуқи Ҷумҳурии Тоҷикистон давом диҳад. Аз соли 1992 Ҳукумати ИМА зиёда аз $984 миллион долларро барои барномаҳои кӯмакдиҳанда, ки соҳаҳои ҳифзи ҳуқуқ ва амниятро беҳтар намуданд, ба болоравии иқтисодӣ мусоидат карданд, ба рушди ниҳодҳои демократӣ, соҳаҳои тандурустӣ ва маориф кӯмак расониданд, таъмин кард.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста